काठमाण्डाै – संयुक्त राष्ट्र सङ्घका महासचिव एन्टाेनियाे गुटेरेसले मानिसले आफ्नाे चिहान आफैँ खनिरहेकाे बताउनुभएकाे छ ।  

आज साेमवार राष्ट्र सङ्घका महासचिव गुटेरेसले ग्लास्गाेमा विश्व जलवायु सम्मेलन (काेप २६) लाई सम्बाेधन गर्दै यस्ताे बताउनुभएकाे हाे । उहाँले जीवाश्म इन्धनप्रति हाम्राे लतले मानवतालाई विनाशतर्फ धकेलिरहेकाे बताउनुभयाे । 

महासचिव गुटेरेसले भन्नुभयाे, अब या त हामीले यसलाई राेक्नुपर्छ या त यसले हामीलाई राेक्छ । अब याे भन्ने समय आएकाे छ कि याे निकै भइसकेकाे छ, आफैँलाई कार्बनले मार्ने क्रम निकै चल्याे, प्रकृतिलाई शाैचालय जसरी प्रयाेग गरेकाे धेरै भयाे, हामी आफ्नाे चिहान आफैँ खनिरहेका छाैँ । 

जलवायु परिवर्तनसम्बन्धी पक्ष राष्ट्रहरूको २६ औँ सम्मेलन (कोप २६) स्कटल्यान्डकाे ग्लास्गोमा हिजाेदेखि औपचारिक समाराेह सुरु भएकाेमा आजदेखि विश्व नेताहरूले छलफल र बहसकाे काम सुरु गरेका हुन् । जलवायु परिवर्तनलाई नियन्त्रण गर्नका लागि यस सम्मेलानलाई महत्त्वपूर्ण ठानिएको छ । 

झन्डै दुई सय देशका २० हजार प्रतिनिधि ग्लास्गाेमा जलवायु परिवर्तन सम्मेलनमा भाग लिँदै छन् । यसका लागि ठूलाे सङ्ख्या जलवायु परिवर्तनका विशेषज्ञ, कार्यकर्ता र पत्रकार पनि ग्लास्गाेमा छन् ।