काठमाण्डाै – भारतले विकास गरेर भारतमै उत्पादन गरेको कोरोना भाइरसविरुद्धको खोप 'कोभ्याक्सिन' आपत्कालीन प्रयाेगकाे अनुमति पाएकाे छ । काेभ्याक्सिन खाेपले विश्व स्वास्थ्य सङ्गठन (डब्ल्यूएचओ) बाट आपत्कालीन प्रयोगको अनुमति पाएको हाे । 

भारत बायोटेक कम्पनीले विकास गरेर भारतमै उत्पादन गरेको खोपले अनुमति पाएको बीबीसी हिन्दीले जनाएको छ । डब्ल्यूएचओको अनुमतिपछि अब अरू देशमा पनि यो खोप लगाउने बाटो खुलेको छ ।

डब्ल्यूचएओको प्राविधिक सल्लाहकार समूहले कोभ्याक्सिन खोप सुरक्षित रहेको र सङ्गठनको मापदण्डअनुसार रहेको जनाएको छ । यो खोपबाट कुनै जोखिम नरहेको समेत डब्ल्यूएचओले जनाएको छ ।

कोभ्याक्सिन खोप चार हप्ताको फरकमा दुई पटक लगाउनुपर्छ । डब्ल्यूएचओबाट अनुमति पाएसँगै अब भारतले गरिब देशहरूलाई आफूले उत्पादन गरेको खोप उपलब्ध गराउने अपेक्षा रहेको बीबीसीले जनाएको छ ।