कालीकाेट : ‘सुत्केरीलाई सेवा नदिने थिर्पु स्वास्थ्य चाैकीका स्वास्थ्यकर्मीकाे तलब काटिने’

कात्तिक २१, २०७८ आइतबार १७:१८:११ | रासस

कालीकाेट – कालीकोटको पलाँता गाउँपालिका ८ थिर्पुमा रहेकाे स्वास्थ्य चौकीमा कर्मचारी नहुँदा सुत्केरीले राम्रो उपचार पाएनन् ।

स्थानीयवासी जनबहादुर रोकायाकी श्रीमती छाइला रोकायाले गएकाे शुक्रवार स्वास्थ्य चौकीमा सुत्केरी हुन आउँदा स्वास्थ्यकर्मी नभेटिएपछि उहाँ चौकीकै प्राङ्गणमा सुत्केरी हुनुभयो । उहाँले छोरीलाई जन्म दिनुभएको हो ।

सुत्केरीले उपचार नपाएपछि स्वास्थ चौकी थिर्पुमा तिहारकै दिन गाउँपालिका अध्यक्ष लक्ष्मणबहादुर बमले अनुगमन गर्दै सेवाग्राहीको उपचारमा संग्लन नभएका स्वास्थ्यकर्मीले तलब नपाउने बताउनुभयो । स्वास्थ्य चौकीमा तीन अनमी, एक स्वास्थ्य सहायक, दुई अहेब, तीन कार्यालय सहयोगी, एक चौकीदार र एक बगैँचा व्यवस्थापन गर्ने गरी ११ जना कार्यरत छन् । सबै कर्मचारी तिहार बिदामा घर गएकाले स्वास्थ्य चौकीमा कोही नभएको अध्यक्ष बमले बताउनुभयो ।

‘स्वास्थ्य जस्तो संवेदनशील क्षेत्रमा लापर्बाही गर्ने कर्मचारीलाई हामीले कसरी राज्यको तलब दिएर राख्न सक्छौँ’, उहाँले भन्नुभयो, ‘चाडबाडका बेला एक जना पनि कर्मचारी स्वास्थ्य चौकीमा नहुनु विडम्बना हो ।’

गाउँपालिका अध्यक्ष बमका अनुसार स्वास्थ्य चौकीका दुई कर्मचारीले अवकाश पाएको र सात कर्मचारीको कात्तिक महिनाको तलब कट्टा गरेर स्वास्थ्य चौकीको सुत्केरी कक्षको व्यवस्थापन गरिने बताउनुभयो ।

तिहारको बेला ढोका बन्द गरेर बसेका स्वास्थकर्मीले सामान्य बिरामीको उपचारसमेत नपाएको गुनासो भए पनि गाउँपालिकाले बाध्य भएर त्यही आधारमा कारबाही गर्ने अध्यक्ष बमले जानकारी दिनुभयो ।

‘तीन महिनासम्म अनुपस्थित सबैको प्रोत्साहान भत्ताबापत पाउने मासिक सात हजार र दुई दिनअघि धौलागोह र दैनिकरको स्वास्थ्य संस्था अनुगमन गर्दा धौलागोहमा दुई अनमी र दैनिकरमा एक अनमीको पनि तलब काट्ने निर्णय भएको छ’, उहाँले भन्नुभयो, ‘गाउँपालिकाभित्र ७२ शिक्षक, ३१ स्वास्थ्यकर्मी, चार प्राविधिक र २७ प्रशासनतर्फका कर्मचारीले कात्तिक महिनाको आधा वा आंशिक र केही कर्मचारीको पूरै महिनाको तलब कटौती हुनेछ ।’

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कालीकाेट : ‘सुत्केरीलाई सेवा नदिने थिर्पु स्वास्थ्य चाैकीका स्वास्थ्यकर्मीकाे तलब काटिने’

प्रतिकात्मक तस्बिर

तपाईको प्रतिक्रिया