काठमाण्डाै – टेस्लाका प्रमुख कार्यकारी निर्देशक (सीईओ) एलन मस्कले कम्पनीमा आफ्नो १० प्रतिशत हिस्सा (शेयर) बेच्ने प्रस्ताव राख्दा सामाजिक सञ्जाल प्रयोगकर्ताहरूले यसको समर्थन गरेका छन् । सामाजिक सञ्जाल प्रयोगकर्ताहरूले एलन मस्कले ट्विटरमा राखेका पोलमा हुन्छ (यस) विकल्पमा सबैभन्दा धेरै मत दिएका हुन् । 

एलन मस्कले आफ्नो ट्विटर ह्यान्डलमा सामाजिक सञ्जाल प्रयोगकर्ताहरूसँग सुझाव मागेका थिए । एलन मस्कले एक पोल बनाएका थिए र उनले के मैले टेस्लाकाे आफ्नो १० प्रतिशत शेयर बेच्नुपर्छ ? भनेर प्रश्न गरेका थिए । 

— Lorde Edge (@elonmusk) November 6, 2021

ट्विटरमा राखिएको यो पोलमा ३५ लाखभन्दा धेरैले मत दिए र धेरैले यस मा क्लिक गरे । यही कारण ट्विटर प्रयोगकर्ताहरू एलन मस्कले टेस्लामा आफ्नो १० प्रतिशत हिस्सा बेच्नुपर्ने बताउँछन् । 

अमेरिकामा अर्बपतिमाथि धेरै कर दिन दबाब बढिरहेका बेला टेस्लाका सीईओ एलन मस्कले आफ्नो कम्पनीमा १० प्रतिशत शेयर बेच्नका लागि मानिसहरूसँग सुझाव मागेका थिए । टेस्लाका सीईओ मस्कसँग वर्तमान शेयरको मूल्य झन्डै तीन सय अर्ब डलर छ । 

गएकाे सेप्टेम्बरमा काेड कन्फ्रेन्समा एलन मस्कले टेस्लामा इंकमा आफ्नाे 'स्टक अपरेशन' सकिन लागेकाे बताएका थिए । यसका लागि उनले सरकारलाई ५० प्रतिशतभन्दा धेरै कर चुकाउनुपर्ने हुन सक्छ । यही कारण उनी स्टक अपरेशन सकिनुअघि आफ्नाे शेयर बेचेर पैसा जुटाउन चाहन्छन् ।