पाकिस्तानले भारतलाई आफ्नो भूमि हुँदै अफगानिस्तानमा सहायता सामग्री पुर्‍याउन अनुमति दिने

मंसिर ७, २०७८ मंगलबार १४:५१:२ | एजेन्सी

काठमाण्डाै – पाकिस्तानले आफ्नो भूमि हुँदै अफगानिस्तानमा सहायता सामग्री पुर्‍याउन भारतलाई अनुमति दिने भएको छ । भारतले एक महिनाअघि नै पाकिस्तानको बाटो हुँदै अफगानिस्तानमा सहायता सामग्री पुर्‍याउन अनुमति मागे पनि पाकिस्तानले बल्ल अनुमति दिने भएको हो ।

पाकिस्तानी प्रधानमन्त्री इमरान खानले भारतलाई छिटै अनुमति दिइने बताउनुभएको बीबीसीले जनाएको छ । पाकिस्तानले आफ्नो भूमि हुँदै ५० हजार मेट्रिक टन गहुँ अफगानिस्तान लैजान दिने बताएको खबरमा उल्लेख छ । तर यो विषयमा अझै एक पटक भारतसँग कुरा हुने पाकिस्तानको भनाइ छ ।

यस्तै भारतमा उपचार गराइरहेका अफगानी नागरिकलाई पनि पाकिस्तानले आफ्नो भूमि हुँदै स्वदेश फर्कने अनुमति दिएको छ ।

केही समयअघि अफगानिस्तानको विषयलाई लिएर भारतमा भएको आठ देशको बैठकले पनि पाकिस्तानले सहायता सामग्रीमा अवरोध गर्न नहुने निष्कर्ष निकालेको थियो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्