भारतको नागाल्यान्डमा भएको सैन्य कारबाहीमा १३ सर्वसाधारणको ज्यान गयो

मंसिर १९, २०७८ आइतबार २०:२३:१ | एजेन्सी

काठमाण्डाै – भारतको नागाल्यान्ड राज्यमा हिजाे शनिवार राति भएको सैन्य कारबाहीमा कम्तीमा १३ जना सर्वसाधारणको ज्यान गएको छ ।

म्यानमारसँगको सीमा नजिक मोन जिल्लामा गस्ति गरिरहेको सैन्य टोलीले खानीमा काम गर्ने स्थानीयहरू कामबाट फर्किरहेका बेला गोली चलाएको बीबीसीले जनाएको छ । शवहरू थुपारिएको ट्रक फेला पारेपछि रिसाएका स्थानीयवासीले सुरक्षा अधिकारीमाथि आक्रमण गर्नुको साथै सेनाको गाडी जलाइदिएका छन् ।

घटनामा एक जना सेनाको समेत ज्यान गएको घटनाप्रति भारतीय सेनाले गम्भीर दुःख व्यक्त गरेको छ । सेनाले 'कोर्ट अफ इन्क्वाइरी' को आदेश दिएको समाचार संस्था पीटीआईले जनाएको छ ।

भारतका गृहमन्त्री अमित शाहले हत्याको खबरले आफू दुःखी भएको बताउँदै राज्य सरकारले घटनाबारे छानबिन सुरु गरेको बताउनुभएको बीबीसीले जनाएको छ । नागाल्यान्डमा वर्षौँदेखि पृथकतावादी लडाकु र सुरक्षा फौजबीच झडपहरू भइरहेको छ । नागाल्यान्ड राज्यका मुख्यमन्त्री नेफियू रियोले ट्वीट गरेर सर्वसाधारण मारिनु दुःखद रहेको भन्दै घटनाको निन्दा गर्नुभएको छ ।

इस्टर्न नागाल्यान्ड पिपुल्स अर्गनाइजेशनका अध्यक्ष केकोंगचिम यिमयुंगरले एक जना सेनासहित १४ जनाको शव भेटिएको, कैयौँ स्थानीय घाइते भएका र धेरै हराइरहेका भन्दै सरकारी तहबाट स्पष्ट जानकारी नआएको बताउनुभएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्