सवारीसाधन आयातमा सरकारले प्रतिबन्ध गर्दैन : अर्थमन्त्री शर्मा

मंसिर २२, २०७८ बुधबार १८:९:१२ | उज्यालो सहकर्मी

काठमाण्डाै – अर्थमन्त्री जनार्दन शर्माले नेपालमा भित्रिने सवारीसाधनकाे आयातमा प्रतिबन्ध लगाउन नसकिने बताउनुभएको छ । अटोमोबाइल्स एसाेसिएशन अफ नेपाल (नाडा) को ४५ औँ वार्षिक साधारण सभामा बोल्दै अर्थमन्त्री शर्माले अहिले अटो व्यवसायीलाई कतै अहिले हुँदै आएको सवारीसाधन आयातमा सरकारले प्रतिबन्ध गर्ने हो कि भन्ने त्रास बढेता पनि तत्काल प्रतिबन्ध लगाउन नसकिने बताउनुभयो ।

अर्थमन्त्री शर्माले अहिले विश्व प्रविधिमा धेरै अगाडि रहेकाले आयात प्रतिबन्ध लगाउन नसकिने बताउनुभयो । आयातलाई पनि निरन्तरता दिँदै अब नेपालमै सवारीसाधन उत्पादनमा जोड दिन अटो व्यवसायीलाई उहाँले आग्रह गर्नुभयो । अर्थमन्त्री शर्माले सवारी साधन उत्पादन गर्न व्यवसायीलाई विद्युतमा सहुलियत, जग्गा उपलब्ध गराउने, न्यूनतम उद्योग सञ्चालन हुने ग्यारेन्टी दिने प्रतिबद्धतासमेत जनाउनुभयो ।

उहाँले भन्नुभयो, ‘सवारीसाधन आयातमा सरकारले प्रतिबन्ध गर्दैन । व्यवसायी यो विषयमा चिन्तित बन्नुपर्दैन । सरकारले प्रतिबन्ध होइन, स्वदेशी उत्पादनलाई प्रतिस्पर्धी बनाउने काम गर्नेछ । अहिले आयातमा प्रतिबन्ध लगाउन सकिन्न, विभिन्न ऐन र कानुनले पनि दिँदैन तर स्वदेशी उत्पादनलाई प्रतिस्पर्धी बनाएर आयात कम गराउन सकिन्छ । सरकारले नेपालमा सवारी उत्पादन गर्ने व्यवसायीका लागि सबै सुविधा तथा छुट दिन तयार रहेको छ। विद्युत् र श्रम शक्ति अहिले नेपालको सबैभन्दा बलियो स्रोत हो । विद्युत् र श्रम शक्तिलाई नाडाले उपभोग गर्नुपर्छ । सरकार नीतिगत अस्थिरता हटाउन तयार छ, त्यसका लागि अटो व्यवसायी तयारी हुनुपर्छ । विद्युतीय चार्जिङ स्टेशन बनाउन सरकारले जोड दिइरहेको छ । अब सबै पेट्रोल पम्पलाई विद्युतीय चार्जिङ स्टेशनमा बदल्नुपर्छ । त्यसको सहज प्रविधि पनि विकसित भइसकेको छ ।’

अर्थमन्त्री शर्माले आफू मैले अर्थशास्त्र जानेको मान्छे नभए पनि देशलाई आत्मनिर्भर बनाउनका लागि कुन बाटो लानुपर्छ भन्ने थाहा भएको बताउनुभयो । देश सम्पन्न र आत्मनिर्भर नभइ नागरिकले सेवा, सुविधा नपाउने मन्त्री शर्माले जिकिर गर्नुभयो ।

कार्यक्रममा नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालले सरकारलाई राजस्व तिर्न एसाेसिएशनमध्ये नाडा पहिलो नम्बरमा आउने बताउनुभयो । उपाध्यक्ष ढकालले सरकारले अर्थतन्त्रलाई बलियो बनाउनका लागि परम्परागत नीतिगत व्यवस्थालाई परिर्वतन गर्नुपर्ने बताउनुभयो । उपाध्यक्ष ढकालले भन्नुभयो, ‘सरकारले अर्थतन्त्र गतिशील बनाउनका लागि परम्परागत नीतिगत व्यवस्थालाई परिर्वतन गर्न सक्नुपर्छ । परिर्वतन गरेमात्रै अर्थतन्त्रलाई चलायमान बनाउन सकिन्छ । यसरी परम्परागत नीतिगत व्यवस्था परिर्वतन गर्दा केहीले विमति हुन्छ । सरकारले नीतिगत छलफल गर्दा सरोकारवाला निकायसँग छलफल गर्नुपर्छ ।’

नाडा अटोमोबाइल्स एसाेसिएशन अफ नेपालको ४५ औँ वार्षिक साधारण सभा आज र भोलि दुई दिनसम्म हुनेछ । सभाले नाडाको नयाँ नेतृत्व चयन गर्नेछ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्