ओमिक्रोन भेरियन्ट फैलिएसँगै खोपमा फेरि असमानता बढ्ने आशङ्का

मंसिर २४, २०७८ शुक्रबार ८:६:१८ | उज्यालो सहकर्मी

काठमाण्डाै - दक्षिण अफ्रिकामा कोभिड-१९ को नयाँ भेरियन्ट ओमिक्रोनबाट सङ्क्रमित हुनेको सङ्ख्या विश्वकै सबैभन्दा धेरै रहेको पाइएको छ ।

विश्वका कुल सङ्क्रमितमध्ये दक्षिण अफ्रिकामा मात्रै ४६ प्रतिशत रहेका विश्व स्वास्थ्य सङ्गठन (डब्ल्यूएचओ)ले जनाएको छ । दक्षिण अफ्रिकामा पछिल्लो सात दिनमा ओमिक्रोन भेरियन्टको सङ्क्रमण २२५ प्रतिशतले बढेको छ । तर, सङ्क्रमण फैलिँदै गए पनि गम्भीर बिरामी पर्नेको सङ्ख्या भने ६ प्रतिशत मात्रै रहेको सङ्गठनले जनाएको छ । ओमिक्रोन भेरियन्ट देखिएकामध्ये ६ प्रतिशत मात्रै आईसीयूमा भर्ना भएका छन् ।

विश्व स्वास्थ्य सङ्गठनको खोप सल्लाहकार समितिका अनुसार प्रतिरक्षा प्रणाली कमजोर भएकाहरुलाई ओमिक्रोनको सङ्क्रमण हुने गरेको छ । रोग प्रतिरोधात्मक क्षमता कमजोर भएकाहरुलाई बुस्टर डोज लगाउन पनि समितिको सुझाव छ ।

यसैबीच, डब्ल्यूएचओले कोभिड-१९ विरुद्धको खोपमा फेरि असमानता बढ्ने आशङ्का व्यक्त गरेको छ । यसअघि कोभिड-१९ को पहिलो तथा दोस्रो लहर फैलिएका बेला गरिब तथा विपन्न देशहरुले खोप पाउन सकेका थिएनन् ।

डब्ल्यूएचओले ओमिक्रोन भेरियन्टका कारण भयभित भएका धनी देशहरुले अनावश्यक रुपमा खोप भण्डारण गरेर राख्न सक्ने भन्दै चिन्ता व्यक्त गरेको हो । व्यवस्थित खोप भण्डारण भएका धनी देशहरुले गरिब देशलाई बुस्टर डोजका लागि खोप पठाउन पनि डब्ल्यूएचओको आग्रह छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्