सनराइज बैंकले सहकारीका ग्राहकलाई पनि भिसा डेबिट कार्ड उपलब्ध गराउने

पुष ७, २०७८ बुधबार २०:४२:४८ | उज्यालो सहकर्मी

काठमाण्डाै – सनराइज बैंकले सहकारीका ग्राहकले पनि भिसा डेबिट कार्डमार्फत भुक्तानी पाउने व्यवस्था गरेको छ ।

आज बुधवार बैंकले काठमाण्डाैमा एक कार्यक्रम गरेर सहकारीका ग्राहकले पनि भिसा डेबिट कार्डमार्फत भुक्तानी पाउने व्यवस्था सुरु गरेको हो । याे सेवा विस्तारका लागि बैंकले पायोनियर एसोसिएट्स (कोसिस सहकारी सफ्टवेयर), आइमार्क तथा नेपाल इलेक्ट्रोनिक पेमेन्ट सिस्टमसँग सम्झौता गरेको छ ।

कार्यक्रममा बोल्दै सनराइज बैंकका प्रमुख कार्यकारी अधिकृत (सीईओ) सुमन शर्माले चार वर्षको प्रयासपछि सहकारीमा भिसा डेबिट कार्ड प्रयोगमा ल्याउन सफल भएको बताउनुभयो ।

सीईओ शर्माले नेपाल सरकार तथा केन्द्रीय बैंकले मौद्रिक नीतिमा नै सहकारीलाई पनि डिजिटल बैंकिङ कारोबारका ल्याउने योजनाअनुसार यो कार्यक्रम सनराइज बैंकले सुरु गरेको बताउनुभयो । उहाँले सहकारी र बैंकबीचमा भिसा तथा डेबिट कार्डमार्फत भुक्तानी गर्ने सक्ने व्यवस्था दक्षिण एसियामा नै पहिलो भएको बताउनुभयो । सीइओ शर्माले यो कार्यले सहकारीमा समेत ग्राहकको विश्वास बढ्ने बताउनुभयो ।

बैंकले पहिलो चरणमा चार वटा सहकारी संस्थासँग भिसा डेबिट कार्डमार्फत भुक्तानी पाउने व्यवस्थामा सम्झौता गरिसकेको छ । भिसा ब्रान्ड अन्तर्गत सहकारी संस्थाको ग्राहकका लागि भिसा डेबिट कार्ड जारी गर्ने यो योजना दक्षिण एसियामा पहिलो भएको छ । सनराइज बैंकले यो परियोजना अन्तर्गत जारी हुने कार्डमार्फत हुने कारोबारका लागि सेटलमेन्ट बैंकको भूमिका निर्वाह गर्ने बताएको छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्