प्रहरीले थाल्यो १० किलो सुन तस्करीको अनुसन्धान

भदौ २५, २०७५ सोमबार ८:३२:३९ | किरण लोहनी

गोरखा – जिल्ला प्रहरी कार्यालय गोेरखाले १० किलो सुन तस्करीको अनुसन्धान थालेको छ । सुन सहित पक्राऊ परेकाहरुलाई जिल्ला प्रहरी कार्यालय ल्याएर अनुसन्धान थालिएको हो ।

१० किलो सुन सहित गोरखाको सिर्दिवासबाट शनिबार पक्राउ परेका दुई जनालाई जिल्ला प्रहरी कार्यालय ल्याइएको छ । उनीहरुलाई दुई दिन लगाएर आइतबार राति सदरमुकाम ल्याइएको हो । सिर्दिवासको फिलिम प्रहरी चौकीले नियमित सुरक्षा जाँचका क्रममा शनिबार दिउँसो चुमनुब्री गाउँपालिकाका २ जनालाई पक्राउ गरेको हो ।
पक्राउ पर्नेमा चुमनुब्री गाउँपालिकाको वडा नम्बर ७ का ५८ वर्षका मुटुप लामा र २८ वर्षका लोप्चन पेम्बा रहेका छन् । उनीहरुविरुद्ध जिल्ला अदालतमा मुद्धा दर्ता गरी आजैबाट अनुसन्धान थाल्ने प्रहरी प्रमुख एसपी विमल बस्नेतले बताउनुभयो । उनीहरुले सुन तिब्बतसँग सीमा जोडिएको छेकम्पार नाकाबाट गोरखा भित्र्याएको प्रहरीले अनुमान गरेको छ ।

दुवै जनाले कम्मरमा बाँधेर ल्याएको सुन बरामद गरिएको थियो । दुवैको साथबाट ५÷५ थान सुनको ढिक्का बरामद भएको थियो । गोरखाको उत्तरी नाका हुँदै सुन तस्करी हुने गरेको सूचनाका आधारमा यो क्षेत्रमा केही महिनायता सुरक्षा निगरानी बढाइएको थियो । साविकको सुरक्षा रणनीतिलाई कायम राख्दै यो क्षेत्रमा थप सजगता अपनाइएको प्रमुख जिल्ला अधिकारी नारायणप्रसाद भट्टराईले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्