रुसले भन्याे– ‘युक्रेन वार्तामा अमेरिकासँग कुनै सहयोग स्वीकार गर्दैनाैँ’

पुष २५, २०७८ आइतबार १६:५८:४० | एजेन्सी

मस्काे – रुसले युक्रेन र युरोपको सुरक्षासम्बन्धी वार्तामा संयुक्त राज्य अमेरिकासँग कुनै सहयोग स्वीकार नगर्ने बताएकाे छ ।

रुसले आज आइतवार युक्रेन र युराेपकाे सुरक्षासम्बन्धी वार्तामा अमेरिकासँग कुनै सहुलियत–सहयाेग स्वीकार नगर्ने जनाउँदै अमेरिकी सङ्केतहरूबाट निराश रहेकाे बताएकाे हाे ।

‘हामी कुनै पनि सहुलियतमा सहमत हुने छैनौँ । त्यो पूर्णरूपमा बहिष्कृत छ’, रुसका उप-विदेशमन्त्री सर्गेई र्‍याबकोभले रुसी समाचार एजेन्सीहरूलाई भन्नुभयाे, ‘हामी पछिल्ला केही दिनमा वाशिङ्गटनबाट तर ब्रसेल्सबाट पनि आउने सङ्केतहरूबाट निराश छौँ ।’

पछिल्ला केही दिनयता युक्रेनकाे विषयलाई लिएर अमेरिका र रुसबीच तनाव बढिरहेकाे छ । अमेरिकाले युक्रेनसँगकाे सीमामा सेना परिचालन गरेकाे रुसले थप आक्रमण गर्न सक्ने भन्दै चेतावनी दिइरहेकाे छ तर रुसले त्यसलाई पटक–पटक अस्वीकार गर्दै आएकाे छ । रुसले आफ्नो भूमि रक्षाका लागि युक्रेनको सिमानामा सेना तैनाथ गरेको तर्क गर्दै आएको छ ।

यही विषयमा केही दिनअघि मात्रै दुई देशका राष्ट्रपतिबीच टेलिफाेन वार्ता भएकाे थियाे । वार्तामा रुसी राष्ट्रपति भ्लादिमिर पुटिनले युक्रेनको विषयलाई लिएर नयाँ नाकाबन्दी लगाए अमेरिकासँगको सम्बन्ध पूरै विच्छेद हुने चेतावनी दिनुभएकाे थियाे । टेलिफोन संवादमा अमेरिकी राष्ट्रपति जाे बाइडेनले युक्रेनमाथि आक्रमण भएमा अमेरिका र उसका सहयात्री देशहरूले निर्णायक जवाफ दिने बताउनुभएको थियो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्