संविधान दिवस राष्ट्रिय दिवसका रुपमा मनाइँदै

भदौ २६, २०७५ मंगलबार ५:५९:२१ | रासस

काठमाडौं - सञ्चार तथा सूचना प्रविधिमन्त्री गोकुलप्रसाद बाँस्कोटाले संविधान दिवस भव्यरुपमा मनाइने तयारी भइरहेको बताउनुभएको छ ।

आगामी असोज ३ गते संविधान दिवसलाई राष्ट्रिय दिवसका रुपमा मनाउन गठित मूल समारोह समितिअन्तर्गत प्रचारप्रसार उपसमितिको मन्त्रालयमा आयोजित बैठकलाई सम्बोधन गर्दै मन्त्री बाँस्कोटाले संविधान दिवसलाई सरकारले यस वर्षदेखि राष्ट्रिय दिवसका रुपमा मनाउन लागेको जानकारी दिनुभयो ।

प्रचारप्रसार उपसमितिका संयोजकसमेत रहनुभएका मन्त्री बाँस्कोटाले एउटा संविधानसभा असफल भएपछि दोस्रो संविधानसभाबाट जारी भएको संविधान कसैले सिँत्तैमा किस्तीमा राखेर दान नदिएको स्पष्ट पार्नुभयो । “यही संविधानका कारण जनताका छोराछोरी सरकार प्रमुख र राष्ट्र प्रमुख हुन पाएका छन् ”, उहाँले भन्नुभयो । नेपालको इतिहासमा उक्त दिन गौरवपूर्ण दिन भएको बताउँदै उहाँले नेपाली जनता सार्वभौमसत्तासम्पन्न भएको दिनलाई भव्यरुपमा मनाउन सबैलाई आग्रह गर्नुभयो ।

बैठकले सञ्चारमाध्यमबाट संविधानको महत्वका विषयमा तयार पारिएका वृत्तचित्र प्रसारण गर्ने, दूरसञ्चार प्रदायकले असोज ३ गते एसएमएसबाट संविधान दिवसको शुभकामना दिने, दूरसञ्चार प्रदायकलाई दूरसञ्चार शुल्कमा विशेष छुट दिने कार्यक्रम ल्याउन दूरसञ्चार प्राधिकरणले व्यवस्था मिलाउने, रेडियो नेपाल र नेपाल टेलिभिजनबाट मूल कार्यक्रमको प्रत्यक्ष प्रसारण गर्ने, संविधानको विषयमा केन्द्रित रही विशेष परिसंवाद, संवादलगायत जनचेतनामूलक कार्यक्रम गर्ने निर्णय गरेको छ ।

त्यसैगरी संविधानका बहुपक्षीय आयामलाई उजागर गर्ने विभिन्न लेखरचनाको सँगालो प्रकाशन गर्ने, रेडियो नेपालबाट जागरण गीत सम्मेलन गर्ने र दीपावली गर्ने निर्णय भएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्