६ महिनामै ४२ अर्ब रुपैयाँको खाद्यान्न भित्रियो, साढे ३४ अर्बको तरकारी र फलफूल आयात

माघ १०, २०७८ सोमबार १४:३:३१ | उज्यालो सहकर्मी

काठमाण्डाै – चालु आर्थिक वर्षको पहिलो ६ महिनामै ४२ अर्ब रुपैयाँको खाद्यान्न आयात भएको छ । भन्सार विभागले सार्वजनिक गरेको साउनदेखि पुस महिनासम्मको विवरणअनुसार ६ महिनामा नेपालले विश्वका विभिन्न देशबाट ४२ अर्ब ७२ करोड रुपैयाँको खाद्यान्न आयात गरेको छ ।

खाद्यान्नमध्ये झन्डै २७ अर्ब रुपैयाँको धान, चामल र कनिका आयात भएको छ । भारत, चीन, मलेसिया, फिलिपिन्स, ताइवान, कोरिया, इन्डोनेसिया लगायतका देशबाट २६ अर्ब ९० करोड रुपैयाँभन्दा धेरैको चामल आयात भएको भन्सार विभागको तथ्याङ्कमा उल्लेख छ ।

यस्तै ६ महिनामा नेपालले २२ अर्ब ५१ करोड रुपैयाँको तरकारी र १२ अर्ब आठ करोड रुपैयाँको फलफूल आयात गरेको छ । यस्तै ७८ अर्ब रुपैयाँको घिउ, तेल र पशुपक्षीजन्य वस्तु आयात भएकाे छ । पाँच अर्ब रुपैयाँको चिया, कफी, चार अर्ब ९५ करोड रुपैयाँको चिनी र चिनीजन्य वस्तु, १५ अर्ब रुपैयाँको खाद्यान्न उद्योगका लागि चाहिने कच्चा पदार्थ र झन्डै दुई अर्ब रुपैयाँको पेय पदार्थ आयात भएको भन्सार विभागले जनाएको छ ।

यस्तै ६ महिनामा नेपालले ४० अर्ब रुपैयाँको औषधि र कच्चा पदार्थ, १० अर्ब रुपैयाँको बिउबिजन, ३६ अर्ब रुपैयाँको प्लास्टिक लगायतका वस्तु आयात भएकाे छ ।

६ महिनामा नेपालले ९५ अर्ब रुपैयाँको फलाम, एक खर्ब ४१ अर्ब रुपैयाँको मेशिनरी पाटपुर्जा, ६१ अर्ब ७७ करोड रुपैयाँका गाडी, ६१ अर्ब ४७ करोड रुपैयाँकाे डिजल, २९ अर्ब २७ करोड रुपैयाँको पेट्रोल र २९ अर्ब २३ करोड रुपैयाँको एलपी ग्यास आयात भएको छ ।

चालु आर्थिक वर्षको पहिलो ६ महिनामा नेपालको वैदेशिक व्यापार घाटा झन्डै नौ खर्ब रुपैयाँ पुगेको छ । साउनदेखि पुससम्म नेपालको व्यापार घाटा आठ खर्ब ८० अर्ब ४९ करोड रुपैयाँ रहेको भन्सार विभागले जनाएको छ । ६ महिनामा नेपालले नौ खर्ब ९९ अर्ब रुपैयाँको वस्तु आयात गरेको छ । यस्तै एक खर्ब १८ अर्ब ८५ करोड रुपैयाँको वस्तु निर्यात भएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Kamal thapa magar
Jan. 24, 2022, 7:05 p.m.
Nepali is not actually an agricultural country now a days, shame of it.
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

६ महिनामै ४२ अर्ब रुपैयाँको खाद्यान्न भित्रियो, साढे ३४ अर्बको तरकारी र फलफूल आयात

1 Comments

Kamal thapa magar

तपाईको प्रतिक्रिया

तपाईको प्रतिक्रिया