आउँदो महिना रुसले युक्रेनमाथि आक्रमण गर्ने सम्भावना छ : बाइडेन

माघ १४, २०७८ शुक्रबार १९:५४:४८ | एजेन्सी

अमेरिकी राष्ट्रपति जो बाइडनले आउँदो महिना रुसले युक्रेनमाथि आक्रमण गर्ने सम्भावना रहेको बताउनुभएको छ । अमेरिकी राष्ट्रपति बाइडेनले युक्रेनका राष्ट्रपति भोलोदीमिर जेलेन्स्कीसँग भएको टेलlफोन वार्तामा सम्भावित आक्रमणबारे बताउनुभएको बीबीसीले जनाएको छ ।

युक्रेनको सीमामा पछिल्ला हप्तामा एक लाखभन्दा धेरै रुसी सेना तैनाथ गरिएपछि आक्रमण हुने त्रास बढेको छ । रुसले भने आक्रमणको योजना नरहेको बताउँदै आएको छ । अमेरिकी राष्ट्रपति कार्यालयले निकालेको विज्ञप्तिमा युक्रेनका राष्ट्रपतिसँग बाइडेनले यदि रुसले हमला गरेमा अमेरिका र उसका समर्थक राष्ट्रले निर्णायक कदम चाल्न तयार रहेकोमा आश्वस्त पारेको उल्लेख छ ।

युक्रेन सङ्कटका बारेमा आजै फ्रान्सका राष्ट्रपति एम्मानुअल माक्रोँ र रुसी राष्ट्रपति भ्लादिमिर पुटिनबीच फोन वार्ता हुँदैछ । अमेरिकाले युक्रेनविरुद्ध हुने कुनै पनि किसिमको अतिक्रमणलाई निरुत्साहन गर्न रुसमाथि आफ्नो प्रभावलाई प्रयोग गर्न चीनलाई आग्रह गरेको छ । रुसले युक्रेनलाई उत्तर एटलान्टिक सन्धि सङ्गठन (नेटो) को सदस्य नबनाउन माग गरेको छ । तर अमेरिकाले यो माग अस्वीकार गरेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्