भारतमा सन् २०१९ पछिकै सबैभन्दा छाेटाे बजेट भाषण‚ आर्थिक चुनौती सामना गर्न सक्षम रहेको दाबी

माघ १८, २०७८ मंगलबार २०:२२:२२ | एजेन्सी

भारतमा अर्थमन्त्री निर्मला सितारमणले सन् २०१९ पछिकै सबैभन्दा छोटो बजेट भाषण गर्नुभएको छ ।

आज मङ्गलवार सङ्घीय संसद्‌मा गरिएको बजेट भाषण एक घण्टा ३१ मिनेट मात्रको रहेको थियो । जबकि अघिल्लो वर्षको बजेट भाषण एक घण्टा ४८ मिनेटको रहेको थियो । त्यसैगरी सन् २०२० को बजेट भाषण भने दुई घण्टा ४० मिनेटको रहेको थियो ।

अर्थमन्त्री सितारमणले लोक सभामा आज २०२२/०२३ को बजेट भाषण प्रस्तुत गर्दै विभिन्न योजना तथा कार्यक्रम सार्वजनिक गर्नुभएको छ ।

सार्वजनिक गरिएका योजना तथा कार्यक्रमबाट भारतको अर्थतन्त्र बलियो हुने र आउँदाे २५ वर्षका लागि आधार तय हुने उहाँले दाबी गर्नुभएको छ ।

अर्थमन्त्री सितारमणले आउँदा चुनौती सामना गर्न भारत सक्षम अवस्थामा रहेको पनि बजेट भाषणका क्रममा उल्लेख गर्नुभयो ।

भारतले सार्वजनिक लगानी बढाउँदै आधुनिक भौतिक संरचना निर्माणका लागि कार्यक्रम केन्द्रित गरेको उहाँको भनाइ थियो ।

आउँदाे वर्षका लागि बजेटको अर्को मुख्य प्राथमिकताको क्षेत्र “प्रधानमन्त्री गति शक्ति” कार्यक्रम रहेको पनि उहाँले जानकारी दिनुभयो ।

गति शक्ति कार्यक्रम अन्तर्गत सडक‚ रेलमार्ग‚ विमानस्थल‚ बन्दरगाह‚ ढुवानी मार्ग‚ जलमार्ग लगायतको विकास‚ निर्माण र स्तरोन्नति गर्ने योजना समावेश गरिएको छ ।

भारतको सङ्घीय सरकारको मन्त्रिपरिषद्ले आज नै बजेट प्रस्ताव पारित गर्दै सङ्घीय संसद्‍मा पेस गर्ने निर्णय गरेको थियो ।

बजेट प्रस्तुत गर्नुअघि अर्थमन्त्री सितारमणले राष्ट्रपति रामनाथ कोविन्दसँग भेटवार्ता गर्नुभएको थियो । प्रस्तुत बजेटका बारेमा सरोकारवाला तथा विज्ञले मिश्रित प्रतिक्रिया दिएका छन् ।

बजेट प्रस्तावमाथिको पहिलो चरणको छलफल आउँदाे फेब्रुअरी ११ सम्म गर्ने र दोस्रो चरणको छलफल मार्च १४ देखि अप्रिल ८ सम्म गर्ने तालिका बनाइएको त्यहाँकाे संसद् सचिवालयले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्