भारतको उत्तर प्रदेशमा विधान सभाको चुनाव सुरु

माघ २७, २०७८ बिहीबार ८:५९:५१ | एजेन्सी

भारतको उत्तर प्रदेशमा विधान सभाको चुनाव सुरु भएको छ ।

पहिलो चरणमा ११ वटा जिल्लामा ५८ सिटको लागि बिहान ७ बजेदेखि मतदान सुरु भएको भारतीय सञ्चार माध्यमले जनाएका छन् ।

५८ जना विधान सभा सदस्यको लागि ६ सय २३ जनाले उम्मेदवारी दिएका छन् ।

पहिलो चरणमा आज पश्चिमी उत्तर प्रदेशका दुई करोड २८ लाख मतदाताले मतदान गर्ने बीबीसी हिन्दीले जनाएको छ । जाट वेल्टको रुपमा चिनिने पश्चिमी उत्तर प्रदेशमा भारतीय जनता पार्टीले जाट समुदायका १७ जनालाई उम्मेदवार बनाएको छ । यस्तै, समाजवादी पार्टीले १२ तथा राष्ट्रिय लोक दल आरएलडीले ६ जना जाट समुदायका व्यक्तिलाई उम्मेदवार बनाएका छन् ।

यो चुनावमा समाजवादी पार्टी र आरएलडीले गठबन्धन गरेका छन् । सन् २०१७ मा भएको विधान सभा चुनावमा पश्चिमी उत्तर प्रदेशका ५८ सिटमध्ये ५३ सिटमा भारतीय जनता पार्टीले जितेको थियो ।

तर उत्तर प्रदेशका मुख्यमन्त्री योगी आदित्यनाथले किसान आन्दोलनमा दमन गरेको, दलित र अल्पसङ्ख्यकलाई बेवास्ता गरेको, जातीय र धार्मिक राजनीति लागायतका कारण यसपटक भारतीय जनता पार्टीको मत घट्न सक्ने आकलन गरिएको खबरमा उल्लेख छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्