रुसले युक्रेनसँगको सीमा क्षेत्रबाट केही सैनिक फिर्ता गर्‍याे

फागुन ३, २०७८ मंगलबार १८:१५:१६ | एजेन्सी

रुसले युक्रेनसँगको सीमा क्षेत्रबाट आफ्ना केही सैनिक फिर्ता गरेको छ । अमेरिकाले रुसले जुनसुकै बेला युक्रेनमाथि आक्रमण गर्न सक्ने बताइरहेका बेला रुसले भने सेना र सेनाले प्रयोग गर्ने सवारी साधनहरू फिर्ता गरेको भिडियो सार्वजनिक गरेको हो ।

रुसको रक्षा मन्त्रालयले सीमा क्षेत्रमा अभ्यास पूरा गरेका सैनिकहरू फिर्ता भएका र अझै पनि अभ्यास भइरहेकाे बताएको बीबीसीले जनाएको छ । रुसको रक्षा मन्त्रालयले निकालेको विज्ञप्तिमा सैनिक फिर्ता हुने क्रम सुरु भएको र अब अभ्यास सकेकाहरू फिर्ता हुने क्रम निरन्तर हुने उल्लेख छ । युक्रेनले पनि आफ्नो सीमा क्षेत्रबाट रुसी सेना फर्किरहेका र त्यहाँ रहेका सेना पनि चाँडै फर्कने अपेक्षा रहेको बताएको छ ।

अघिल्लो केही महिनादेखि युक्रेनको सीमामा रुसले एक लाखभन्दा धेरै सङ्ख्यामा सैनिक तैनाथ गरेको छ । अमेरिकासहित थुप्रै पश्चिमी देशले रुसले युक्रेनमाथि आक्रमणको तयारी गरिरहेको आरोप लगाउँदै आएका छन् । ती देशले युक्रेनमा रहेका आफ्ना नागरिकलाई युक्रेन छाड्न आग्रह पनि गरेका छन् । तर रुसले भने युक्रेनमाथि आक्रमणको अस्वीकार गर्दै आएको छ ।

रुसले युक्रेनलाई कहिल्यै पनि नेटोको सदस्य नबनाउने ग्यारेन्टी माग्दै सीमा क्षेत्रमा सैनिक उपस्थिति बढाएको छ भने अमेरिकासहित नेटो आबद्ध देशहरूले त्यसलाई अस्वीकार गरिरहेका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रुसले युक्रेनसँगको सीमा क्षेत्रबाट केही सैनिक फिर्ता गर्‍याे

तस्बिर : एजेन्सी

तपाईको प्रतिक्रिया