युक्रेनसँग वार्ता गर्न रुसी प्रतिनिधिमण्डल बेलारुस पुग्यो, अन्य ठाउँमा वार्ता गर्नुपर्ने युक्रेनी राष्ट्रपतिकाे अडान

फागुन १५, २०७८ आइतबार १५:१७:२४ | एजेन्सी

रुसले युक्रेनसँग शान्ति वार्ताका लागि बेलारुसको सहर होमल प्रस्ताव गरेकोमा युक्रेनका राष्ट्रपति भोलोदिमिर जेलेन्स्कीले बेलारुस वार्ताका लागि उपयुक्त ठाउँ नभएको बताउनुभएको छ । वार्ताका लागि रुसी प्रतिनिधिमण्डल बेलारुस पुगिसकेको तर युक्रेनी राष्ट्रपति जेलेन्स्कीले त्यो ठाउँ उपयुक्त नरहेको बताउनुभएको समाचार संस्था एपीले जनाएको छ ।

युक्रेनी राष्ट्रपति जेलेन्स्कीले एउटा भिडियो सन्देश जारी गर्दै वार्सा, ब्राटिस्लाभा, इस्तानबुल, बुडापेस्ट वा बाकुमा वार्ता गर्न सक्ने बताउनुभएको छ । सन्देशमा जेलेन्स्कीले आफूहरू वार्ताका लागि तयार रहेको तर बेलारुसमा जान नसक्ने बताउनुभएको छ । रुसले बेलारुसबाटै युक्रेनमाथि आक्रमण सुरु गरेकाले उसले त्यहाँ जान अस्विकार गरेको हो ।

यसैबीच रुसी सेना युक्रेनको दोस्रो ठूलो सहर खार्किभ प्रवेश गरेका छन् । राजधानी किभमा क्षेप्यास्त्र प्रहार, बमबारी र गोली हानाहान भइरहेका बेला रुसी सेना खार्किभ पनि छिरेका खार्किभ क्षेत्रीय प्रशासनका प्रमुख ओलेग सिनेगुबोभलाई उदृत गर्दै बीबीसीले जनाएको छ ।

यस्तै युक्रेनको दक्षिणी सरह नोभा काखोभ्का रुसले नियन्त्रणमा लिएको छ । नीपर नदीको किनारमा रहेको यो सहर क्राइमिया नजिकै छ । नोभाका मेयरले रुसी सेनाले सहरको कार्यकारी समितिलाई नियन्त्रण गरेर सबै भवनबाट युक्रेनको झन्डा झिकेको बताउनुभएको बीबीसीले जनाएको छ ।

यसैबीच अमेरिकी अर्बपति एलन मस्कले रुसी आक्रमणले प्रभावित युक्रेनको इन्टरनेट सञ्जाल सुधार गर्नका लागि स्टारलिङ्क स्याटलाइट ब्रोडब्यान्ड परिचालन गर्नुभएको छ । ठूलो लडाइँ भएका दक्षिणी र पूर्वी युक्रेन अनलाइन सेवा खराब भएका छन् । स्टारलिङ्क प्रणालीसँग झन्डै एक हजार पाँच सय भू–उपग्रह रहेका छन् । ती भूउपग्रहहरूले फाइबर अप्टिकल केबल वा फोन टावरविना पनि इन्टरनेट सेवा दिन सक्छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्