भ्रामक सूचना र दुष्प्रचारले चुनाव र लोकतन्त्रलाई हानी पुर्‍याउँछ : अमेरिकी राजदूत

फागुन १६, २०७८ सोमबार १५:९:१३ | रासस

काठमाण्डाै – नेपालका लागि अमेरिकी राजदूत र्‍यान्डी बेरीले स्वतन्त्र र निष्पक्ष चुनाव दिगो लोकतन्त्रको पहिचान भएको बताउनुभएको छ । स्थानीय तहको आउँदाे चुनावका लागि नेपाल मतदाता अधिकार मञ्चद्वारा काठमाण्डाैमा आज मङ्गलवार आयोजित तीन दिने प्रशिक्षक प्रशिक्षण कार्यक्रम उद्घाटन गर्दै उहाँले चुनावका समयमा आउन सक्ने भ्रामक सूचना र मिथ्या दुष्प्रचारबाट जोगिन सबैलाई सचेत र सजग हुन सुझाव दिनुभयो ।

चुनावसँग सम्बन्धित भ्रामक र मिथ्या सूचनाको पहिचान र रोकथाम गर्न समाजका सबै पक्ष सचेत र सजग हुन आवश्यक रहेको बताउँदै उहाँले यस्ता दुष्प्रचारले अनलाइनलगायत सामाजिक सञ्जाललाई विचलन ल्याउने मात्र नभइ चुनाव र लोकतन्त्रलाई हानी पुर्‍याउने धारणा व्यक्त गर्नुभयो ।

राजदूत बेरीले भन्नुभयो, ‘भ्रामक सूचना र दुष्प्रचारले नेपाललाई प्राप्त हुने वास्तविक प्रतिफलको क्षमतामा समेतमा असर पार्छ, कोभिड–१९ खोपबारे मिथ्या सूचनाका कारण अमेरिकालगायतका देशले ठूलो क्षति बेहाेर्न पर्‍याे । धेरै मानिसको अकालमा ज्यान गयो ।’

भ्रामक र गलत सूचनाका सन्दर्भमा नेपालको अनलाइनको अवस्था चिन्ताजनक रहेको उल्लेख गर्दै राजदूत बेरीले भन्नुभयो, ‘गलत सूचनाले मतदाताको सुसूचित गर्ने राजनीतिक क्षमतालाईसमेत कमजोर तुल्याउँछ ।’ चुनावका समयमा सूचनाको आधिकारिकताबारे विश्वासिलो पुष्टि नभएसम्म अरूलाई शेयर नगर्न उहाँले सुझाव दिनुभयो । उहाँले अरू कैयौँ देशले शताब्दिमा गर्न नसकेको राजनीतिक रूपान्तरण नेपालले छोटो समयमै हासिल गर्न सफल भएको उल्लेख गर्नुभयो ।

आयोजक संस्थाका अध्यक्ष भक्त विश्वकर्माले याे प्रशिक्षक प्रशिक्षणमा देशका सातै प्रदेशका १८ देखि ३० वर्ष उम्मेर समूहका समावेशी आधारमा छनोट गरिएका प्रशिक्षार्थीको सहभागिता रहेको जानकारी दिनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भ्रामक सूचना र दुष्प्रचारले चुनाव र लोकतन्त्रलाई हानी पुर्‍याउँछ : अमेरिकी राजदूत

फाइल फाेटाे

तपाईको प्रतिक्रिया