युक्रेनकाे खेअरसन सहर कब्जा गरेकाे रुसकाे दाबी

फागुन १८, २०७८ बुधबार १४:५५:४२ | एजेन्सी

रुसको रक्षा मन्त्रालयले रुसी सेनाले युक्रेनको दक्षिणी सहर खेरअसन कब्जामा लिएको दाबी गरेको बीबीसीले जनाएको छ । यदि यसको पुष्टि भयो भने रुसले अहिलेसम्म कब्जामा लिएको युक्रेनको सहरमध्ये सबैभन्दा ठूलो सहर हुनेछ ।

यसअघि हिजो मङ्गलवार राति रुसी सैनिकहरू खेअरसनका सडकहरूमा देखिएका छन् । सहरका मेयरले रुसी सेनाले खेअरसनको रेल स्टेशन र बन्दरगाह आफ्नो नियन्त्रणमा लिएको बताउनुभएको थियो ।

युक्रेन र रुसबीचको युद्धको आज सातौँ दिन हो । रुसी आक्रमणले युक्रेनमा आतङ्क मच्चिएको छ । युक्रेनका केही क्षेत्रमा रुसको कब्जामा छ तर राजधानी किएभमा अझै पनि युक्रेनको नियन्त्रणमा रहेको छ ।

यी दुई देशका प्रतिनिधिमण्डलबीच भएको सोमवारको वार्ता विना निष्कर्ष टुङ्गिएको थियो । दुई देशबीच द्वन्द्व अन्त्य गर्ने उद्देश्यले भएको पहिलो चरणको वार्ता कुनै सम्झौताविना नै सकिएको थियाे

रुसले युक्रेनमाथि आक्रमण रोक्नका लागि राखेको सर्त युक्रेनी राष्ट्रपति भोलिदिमिर जेलेन्स्कीले मान्न अस्वीकार गर्नुभएको छ । त्यसपछि रुसले युक्रेनमा तीव्र रूपमा आक्रमण बढाएको छ ।

यसैबीच युक्रेनको दोस्रो ठूलो सहर खार्किभमा मिसाइल आक्रमण भइरहेको बीबीसीले जनाएको छ । खार्किभमा रुसले गरेको आक्रमणमा कम्तीमा १२ जनाको ज्यान गएको र एक सय १२ जना घाइते भएका छन् । तर खार्किभ क्षेत्रका गभर्नरले भने रुसले गरेका सबै आक्रमणको प्रतिकार गरिएको दाबी गर्नुभएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्