‘आयल निगमकाे मासिक घाटा १० अर्ब रुपैयाँसम्म पुग्न सक्छ’

 फागुन २५, २०७८ बुधबार २०:१३:४३ | उज्यालो सहकर्मी
unn.prixa.net

काठमाण्डाै – अन्तर्राष्ट्रिय बजारमा अहिलेकै गतिमा पेट्रोलियम पदार्थको मूल्य वृद्धि हुँदै जाँदा प्रतिमहिना निगम १० अर्ब रुपैयाँसम्म घाटामा जान सक्ने नेपाल आयल निगमले बताएको छ । रुस र युक्रेनबीचको द्वन्द्वका कारण पछिल्लो समय डलरको मूल्य अत्यधिक बढ्दै गएकाले प्रेट्रोलियम पदार्थकाे मूल्य बढ्दा निगमलाई प्रतिमहिना १० अर्ब रुपैयाँसम्म घाटा हुने निगमले बताएको छ । 

निगमले अमेरिकी डलरको मूल्य ९५ रुपैयाँ हुँदा निर्धारण गरेको मूल्य अहिले बढेर १५ दिनमा दुई अर्ब रुपैयाँ घाटा र महिनाको पाँच अर्ब रुपैयाँ घाटामा पुगेको अवस्था रहेको जनाएकाे छ । 

आज बुधवार सिंहदरबारमा उद्योग तथा वाणिज्य र श्रम तथा उपभोक्ता समितिले पेट्रोलियम पदार्थको मूल्य वृद्धिको विषयमा निगमसँग गरेको छलफलमा बोल्दै नेपाल आयल निगमका निमित्त कार्यकारी निर्देशक सुशील भट्टराईले अहिलेकै गतिमा प्रेट्रोलियम पदार्थको मूल्य वृद्धि हुँदै जाँदा प्रतिमहिना निगम १० अर्ब रुपैयाँले घाटामा जाने बताउनुभयो । उहाँले अब निगम घाटामा जाने कुरा मात्रै नभएर आउँदा दिन पेट्राेलियम पदार्थ खरिद गरेको पैसा कसरी तिर्ने भन्ने चिन्ता बढ्दै गएको बताउनुभयो । चालु आर्थिक वर्षको साउनदेखि फागुनसम्म निगम झन्डै २८ अर्ब रुपैयाँ घाटामा गएको कार्यकारी निर्देशक भट्टराईले समितिलाई जानकारी दिनुभयो । 

उहाँले भन्नुभयो, ‘पुरानो मूल्यअनुसार साउनदेखि फागुन महिनासम्म निगम झन्डै २८ अर्ब रुपैयाँ घाटामा गइसकेकाे छौँ । एलपीजी (खाना पकाउने ग्यास) मा अहिले प्रतिसिलिन्डर ६ सय ६५ रुपैयाँ घाटा रहेको छ । १५ दिनमा डिजलमा एक अर्ब, पेट्रोलमा ७५ करोड र एलपीजीमा एक अर्ब २६ करोड रुपैयाँ नोक्सान छ । १५ दिनमा अन्तर्राष्ट्रिय हवाई इन्धनमा २४ करोड रुपैयाँ नाफा रहेको छ । राष्ट्रिय हवाई इन्धनमा ६ करोड रुपैयाँ नाफा छ । निगमसँग पेट्रोलिय पदार्थ ८० देखि ८५ प्रतिशत मौज्दात रहेको छ । भण्डार क्षमता सात करोड लिटर रहेकोमा साढे पाँच करोड लिटर मौज्दात छ । कति दिन धान्छ भनेर हिसाब गर्न छाडेका छौँ । पेट्रोलिय पदार्थ छैन भनेर आत्तिहाल्नुपर्ने अवस्था भने छैन ।’

त्यस्तै कार्यकारी निर्देशक भट्टराईले आयल निगम प्रतिमहिना न्यूनतम दुई अर्ब र बढीमा ६ अर्ब रुपैयाँ ले घाटामा रहेकाले पछिल्लो अवधिमा निगमको सञ्चितिमा रहेको सबै नाफासमेत सकिएको बताउनु भयो । उहाँले अन्तर्राष्ट्रिय बजारमा मूल्य वृद्धि अघिअघि निगम पछिपछि भएकाले अहिले यथास्थितिमा पुगेको दाबी गर्नुभयो ।

त्यस्तै समितिको छलफलमा बोल्दै उद्योग वाणिज्य तथा आपूर्ति मन्त्रालयका सचिव डा.गणेशप्रसाद पाण्डेले मन्त्रालय आयल निगमलाई कसरी बचाएर पेट्रोलिय पदार्थको आपूर्ति गर्ने भन्ने चिन्तामा रहेको बताउनुभयो । उहाँले अहिलेको अवस्थामा आयल निगमलाई बचाउनका लागि सबैको सहयोग माग गर्नुभयो । 

छलफलमा नेपाली कांग्रेसका सांसद प्रकाश रसाइलीले आयल निगमको बूढीगण्डकी बनाउन लिइएको पूर्वाधार कर घटाउनुपर्ने बताउनुभयो । उहाँले सरकारका हरेक अर्थ मन्त्रीले पेट्रोलियम पदार्थको खपत कम गर्ने भन्दै विद्युतीय सामग्रीमा भन्सार छुट गर्ने काम मात्रै भएको बताउनुभयो । उहाँले निगम नाफामा भएको बेला पूर्वाधार निर्माणमा रकम लगाउने, बोनस खाने भएकाले पनि अहिले समस्या आएको आरोप लगाउनुभयो । 

अन्तिम अपडेट: पुस ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • नभन्ने भन्यो भने पक्राउ गर्ने होला?

    March 9, 2022, 8:28 p.m.

    थुक्क चोर ठग दलाल, तलाइ क कस्लाइ free मा बाडिस् सोझो साझो गरिब जनतालाइ ठग्ने? नर्कमा पनि बास नहोस तेरो

  •  0 Reply

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई