‘काेराेना सङ्क्रमण फेरि बढ्न थाल्याे, परीक्षण घटाएर सङ्ख्या कम देखाउनु झनै खतरनाक’

चैत ३, २०७८ बिहीबार १५:४८:१८ | एजेन्सी

काेभिड १९ (कोरोना भाइरस) को सङ्क्रमण दर फेरि बढ्न थालेको भन्दै विश्व स्वास्थ्य सङ्गठन (डब्ल्यूएचओ) ले सतर्क रहन आग्रह गरेको छ ।

विश्वका कतिपय देशमा सङ्क्रमण दर बढ्न थालेको भन्दै सङ्गठनले कोरोना भाइरसप्रति सजग भनेको हो । एक महिना जति कोरोना सङ्क्रमण दरमा कमी आएको भए पनि पछिल्लो हप्ता केही देशमा फेरि बढ्न थालेको छ ।

सङ्गठनका प्रमुख डा. टेड्रोस अदानोम गेब्रिएसएसले कतिपय देशमा परीक्षण कम भएकाले कोरोना सङ्क्रमितको सङ्ख्या पनि कम देखिएको हुन सक्ने भएकाले त्यो झन् घातक हुन सक्ने बताउनुभयो । सङ्गठनका अनुसार कतिपय देशमा खोपबारे गलत सूचना फैलाएर र कतिपय देशमा पहुँच नपुगेकाले कोरोनाको थप जोखिम बढ्दै गएको छ ।

पछिल्लो हप्ताको तुलनामा विश्वमा कोरोनाको नयाँ सङ्क्रमण दर आठ प्रतिशतले बढेको छ । गएको ७ देखि १३ मार्चको अवधिमा मात्र विश्वमा ४३ हजार जनाको कोरोनाका कारण ज्यान गइसकेको छ । एक करोड १० लाख नयाँ सङ्क्रमित थपिएका छन् ।

पछिल्लो समय चीन र दक्षिण कोरियामा कोरोनाको सङ्क्रमण धेरै देखिएको छ । यी देशमा २५ देखि २७ प्रतिशतले सङ्क्रमित बढेका छन् । यस्तै अफ्रिकामा १२ प्रतिशतले नयाँ सङ्क्रमित थपिएका छन् । यस्तै पछिल्लो समय अस्ट्रिया, जर्मनी, स्विट्जरल्यान्ड, नेदरल्यान्ड्स र बेलायतलगायतका देशमा पनि कोरोना सङ्क्रमितको सङ्ख्या बढ्दै गएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्