रक्सी–जाँड बनाउन कुहिएको मोजा र चप्पलको प्रयोग

भदौ ३०, २०७५ शनिबार २०:१०:१८ | मुना हमाल

सुर्खेत – सुर्खेतमा रक्सी–जाँड बनाउन बनाउँदा कुहिएको मोजा, कपडा, चप्पल प्रयोग गरिएको पाइएको छ ।

जिल्ला प्रहरी कार्यालय सुर्खेतले बरामत गरेको रक्सी–जाँड बनाउने कच्चा पदार्थमा मोजा, कपडा, चप्पल प्रयोग गर्ने गरेको पाइएको हो । प्रहरीले शनिबार एकै दिन रक्सी–जाँड उत्पादन गर्ने दुई हजार लिटर कच्चा पदार्थ नष्ट गरेको छ । वीरेन्द्रनगर नगरपालिकाको विभिन्न स्थानहरुमा बनाइएको रक्सी–जाँड समेत बरामत गरी शनिबार नष्ट गरेको हो ।

‘रक्सी–जाँड बनाउँदा कच्चा पदार्थका रुपमा पुराना कुहिएका मोजा, कपडा, चप्पलहरु प्रयोग गरेको पाइयो’, जिल्ला प्रहरी कार्यालय सुर्खेतमा डीएसपी श्यामसिंह चोधरीले भन्नुभयो, ‘ रक्सी–जाँड हामीले बरामत गरेर नष्ट गरेका छौँ । रक्सी–जाँड उत्पादन गर्ने व्यक्तिहरुलाई पहिलो पटक सम्झाइबुझाई गरेका छौँ ।’

शनिबार तयारी रहेको तीन सय ५० लिटर घरेलु रक्सी, उत्पादन गर्न प्रयोग गरिने कच्चा पर्दा दुई हजार लिटर र आठ थान रक्सी–जाँड उत्पादन गरिने भाँडाहरु नष्ट गरिएको डीएसपी चौधरीले जानकारी दिनुभयो ।

सुर्खेत प्रहरीले सुर्खेतमा अबैध घरेलु मदिरा उत्पादन नियन्त्रण गर्ने अभियान नै सुरु गरेको छ । घरेलु मदिराका कारण घरेलु हिंसा बढ्दै गएको, समाजमा झैझगडा हुने भएकाले प्रहरीले घरेलु रक्सी–जाँड उत्पादनमा नियन्त्रण गर्न अभियान सुरु गरेको कार्यालयले जनाएको छ । उहाँले घरेलु रक्सी–जाँड नियन्त्रणले शान्ति सुरक्षा सुव्यवस्था गर्न पनि सहज भएको बताउनुभयोे ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्