रुसलाई राष्ट्र सङ्घको सुरक्षा परिषदबाट हटाउन युक्रेनका राष्ट्रपति जेलेन्स्कीको माग

चैत २३, २०७८ बुधबार ९:४५:३९ | एजेन्सी

रुसले युक्रेनको बुचा नगरमा युद्ध अपराध गरेको आरोपपछि अमेरिका र युरोपेली सङ्घले रुसमाथि थप प्रतिबन्ध घोषणाको तयारी गरेका छन् ।

ह्वाइट हाउसका प्रवक्ता जेन साकीले अमेरिकाले रुसमा नयाँ लगानीमाथि प्रतिबन्ध लगाउने साथै रुसी वित्तीय संस्था, अधिकारी र तीनका परिवारमाथि थप प्रतिबन्ध घोषणा गर्ने बताउनुभएको छ । वासिङ्टनले रुसको सबैभन्दा ठूलो ब्याङ्कमाथि पनि थप प्रतिबन्ध लगाउने तयारी गरेको वाल स्ट्रिट जर्नलले उल्लेख गरेको छ ।

बुचामा तीन सयभन्दा धेरै नागरिकलाई यातना दिएको युक्रेनको दाबी छ । तर रुसले यो आरोपलाई अस्वीकार गरेको बीबीसीले जनाएको छ ।

यसैबीच युक्रेनका राष्ट्रपति भोलोदिमिर जेलेन्स्कीले रुसलाई राष्ट्र सङ्घको सुरक्षा परिषदबाट हटाउन माग गर्नुभएको छ ।

रुसले युक्रेनमा आक्रमण गरेयता जेलेन्स्कीले पहिलो पटक राष्ट्र सङ्घको सुरक्षा परिषदमा सम्बाेधन गर्दै रुसलाई सुरक्षा परिषदबाट हटाउन माग गर्नुभएको हो ।

अमेरिकाले रुसलाई राष्ट्र सङ्घको मानवअधिकार परिषदबाट हटाइनुपर्ने माग दोहोर्‍याएकाे छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्