लथालिङ्ग बनेकाे काठमाण्डौ महानगरलाई व्यवस्थित गर्न मेराे उम्मेदवारी : सिंह

वैशाख १३, २०७९ मंगलबार १९:५०:५७ | रासस

काठमाण्डौ – नेपाली कांग्रेसको तर्फबाट काठमाण्डौ महानगरपालिकाको मेयरमा उम्मेदवार दर्ता गराउनुभएकी सिर्जना सिंहले काठमाण्डौलाई सुशासन दिलाउनु आफ्नो प्रमुख लक्ष्य भएको बताउनुभएको छ ।

नेपाल महिला सङ्घ काठमाण्डौ जिल्ला कार्यसमितिले आज मङ्गलवार काठमाण्डौमा आयोजना गरेको कार्यक्रममा उहाँले २५ वर्षदेखि लथालिङ्ग अवस्थामा रहेको काठमाण्डौ महानगरलाई सुव्यवस्थित गर्नका लागि आफूले मेयरमा उम्मेदवारी दिएको बताउनुभयो ।

‘कांग्रेस पार्टीले सार्वजनिक गरेको घोषणापत्र र मेरो प्रतिबद्धतापत्रलाई समावेश गरेर म जनताको घरदैलोमा पुग्छु, महिला अधिकार मेरो प्रमुख मुद्दा हुनेछ‘, उहाँले भन्नुभयो । काठमाण्डौ महानगरभित्र आफू कसैको आमा, कसैको दिदी, कसैको भाउजु, कसैको बुहारी र कसैको सासु भएर काम गरेर देखाउने उहाँको भनाइ छ । नेत्री सिंहले विद्यार्थीकालमा आफूले राजनीति गरे पनि पछिल्लो समय राजनीतिक परिवारमा विवाह गरेपछि ससुरा गणेशमान सिंह, सासु मङ्गलादेवी सिंह र श्रीमान् प्रकाशमान सिंहको राजनीतिलाई सहयोग गर्दा आफू सक्रिय राजनीतिबाट पछाडि परेको उल्लेख गर्नुभयो । ‘मैले राजनीतिमा पद लिइन, राजनीति गर्न छोडिन, अब पद लिनका लागि अगाडि बढेको छु, सारा काठमाण्डौवासीले सहयोग गर्नुहुनेछ भन्ने विश्वास लिएको छु’, उहाँले भन्नुभयो ।

कार्यक्रममा कांग्रेस केन्द्रीय सदस्य आरजु राणा देउवाले नेपालको मुटु काठमाण्डौमा महिलाले मेयरको उम्मेदवारी पाउनु खुसीको कुरा भएको बताउनुभयो । कांग्रेसले हरेक कुरामा छलफल र बहस गरेर निर्णय गर्ने बताउँदै पार्टीको साझा उम्मेदवार सिंह भएको भन्दै उहाँलाई जिताउनका लागि लाग्न काठामाण्डौवासीलाई उहाँले आग्रहसमेत गर्नुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्