राप्ती स्वास्थ्य विज्ञान प्रतिष्ठानमा एमडी तहको पठनपाठन शुरु
बैशाख ८, २०८१ शनिबार
सोलुखुम्बु - सोलुखुम्बुमा एक महिला र एक दलित समुदायका प्रतिनिधि पालिका प्रमुखको उम्मेदवार बनेका छन् ।
जिल्लाको ८ पालिकामध्ये लिखुपिके गाउँपालिकामा नेपाली कांग्रेसले मिना कार्कीलाई अध्यक्षको उम्मेदवार बनाएको छ भने नेकपा एकीकृत समाजवादी पार्टीले सालुदूधकुण्ड नगरपालिकाको प्रमुखमा ल्हाक्पा छिरिङ विश्वकर्मालाई उम्मेदवार बनाएकाे छ ।
पालिका प्रमुखको ८ पदमा विभिन्न राजनीतिक दल र एक स्वतन्त्र गरी २९ जनाको उम्मेदवारी परेकोमा एक कांग्रेस र जसपाले मात्रै महिला र दलितलाई कार्यकारी पदमा उम्मेदवार बनाएका छन् । अन्य पालिकाहरुमा महिलालाई उपप्रमुखकै उम्मेदवारको रुपमा सीमित राखेका छन् ।
नेचासल्यान गाउँपालिकामा भने गठबन्धनबाट पालिका प्रमुख र उप्रमुख दुवै जना पुरुष रहेका छन् । नेचासल्यानमा माओवादी केन्द्र र नेकपा एकीकृत समाजवादी पार्टीको गठबन्धनबाट अध्यक्षमा माओवादी केन्द्रका भुपेन्द्र कट्टेल र उपाध्यक्षमा जसपाबाट डिल्ली राईलाई उम्मेदवार बनाइएको छ ।
जिल्लामा ८१८ जना उम्मेदवार चुनावी मैदानमा छन् । सोलुदूधकुण्ड नगरपालिकामा ५७ पदमा १८९ जनाको उम्मेदवारी, थुलुङ दूधकोसीमा ४७ पदमा १५४ जनाको, सोताङ र महाकुलुङमा २७/२७ पदका लागि ८०/८० जनाको उम्मेदवारी परेको जिल्ला निर्वाचन कार्यालय सोलुखुम्बुले जनाएको छ ।
यस्तै नेचतासल्यानमा २७ पदका लागि ९३ जनाको, माप्यदूधकोसीमा ३५ पदकै लागि ८५ जनाको, खुम्बु पासाङ ल्हामुमा २७ पदका लागि ६२ जनाको र लिखु पिकेमा २७ पदका लागि ८५ जनाको उम्मेदवारी परेको छ ।
उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।