काठमाण्डाै महानगरमा १ सय ५६ केन्द्र र ३ सय ६३ मतदान स्थल

वैशाख २९, २०७९ बिहीबार १३:४७:१९ | रासस

काठमाण्डाै – वैशाख ३० गते शुक्रवार (भोलि) पालिका चुनावमा काठमाण्डाै महानगरपालिकामा एक सय ५६ केन्द्र र तीन सय ६३ मतदान स्थल तोकिएको छ ।

तीन लाख दुई सय ४२ मतदाता रहेको कामपाको वडा नम्बर १६ मा सबैभन्दा धेरै २० हजार एक सय ७५ मतदाता छन् । धेरै मतदाता हुने दोस्रोमा वडा नम्बर ३२ हो । यस वडामा १८ हजार नाै सय १३ जना मतदाता छन् । वडा नम्बर ३१ मा १८ हजार एक सय सात जना मतदाता छन् । त्यसैगरी वडा नम्बर १ सबैभन्दा कम मतदाता हुने वडा हो । यस वडामा तीन हजार सात सय २९ मतदाता छन् ।

वडा नम्बर २३ मा चार हजार चार सय ७७ मतदाता छन् । वडा नम्बर २० मा चार हजार ६ सय १४ मतदाता छन् । कामपामा एक सय ५६ वटा मतदान केन्द्र तोकिएका छन् । यसमा तीन सय ६३ वटा मतदान स्थल छन् । वडा नम्बर ३१ सबैभन्दा धेरै मतदान केन्द्र भएको वडा हो । यसमा ११ केन्द्र छन् ।

यसैगरी वडा नम्बर १६ मा १० केन्द्र छन् । यो वडा धेरै केन्द्र भएका वडामध्ये दोस्रोमा पर्छ । वडा नम्बर ७ र ३२ मा नाै/नाै वटा केन्द्र छन् । सबैभन्दा कम मतदान केन्द्र भएको वडा २३ नम्बर हो । यसमा एउटा मात्र केन्द्र छ । वडा नम्बर १९, २० र २४ मा दुई/दुई वटा मात्र केन्द्र छन् । यसैगरी वडा नम्बर १, ५, ८, १२, १८ र २९ मा तीन/तीन वटा मतदान केन्द्र छन् ।

सबैभन्दा धेरै मतदान स्थल भएको वडा १६ नम्बर हो । यस वडामा २३ वटा बुथ छन् । वडा नम्बर ३१ र ३२ मा २२/२२ वटा मतदान स्थल छन् । धेरै मतदान स्थल भएको तेस्रो वडा १४ नम्बर हो । यस वडामा २१ वटा मतदान स्थल रहेको जनाइएको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्