उद्योग स्थापनाका लागि ५० वर्षसम्म जग्गा भाडामा दिन पाइने

जेठ १५, २०७९ आइतबार १७:२:४४ | उज्यालो सहकर्मी

काठमाण्डाै – सरकारले उद्योग क्षेत्रको विकासलाई मुख्य ध्यान दिएर बजेट सार्वजनिक गरेको छ । आउँदो आर्थिक वर्षका लागि उत्पादनमा वृद्धि देशकाे विकास र समृद्धि विशेष अभियान दशक २०७९/२०८९ सञ्चालन गरिने भएको छ ।

नेपाली उत्पादन वृद्धि, रोजगारी सिर्जना र निर्यात लक्षित व्यापार बढाउनका लागि प्रधानमन्त्री नेपाली उत्पादन एवम् उपभोग अभिवृद्धि कार्यक्रमका लागि तीन अर्ब ४५ करोड रुपैयाँ विनियोजन भएको छ । निजी क्षेत्रले सञ्चालन गरेका मेक इन नेपाल र मेड इन नेपाल जस्ता अभियानलाई सरकारले साथ दिने भएको छ । उत्पादनमूलक उद्योगका लागि उपकरण खरिदमा सरकारले छुट दिने भएको छ । विदेशबाट फर्किएका युवाको उद्योगका लागि सहुलियत दिने, सबै प्रदेशमा जडीबुटी प्रशोधन उद्योग स्थापना गर्ने, पहाडी र हिमाली क्षेत्रमा पाइने बहुमूल्य जडीबुटी प्रशोधनका लागि सुर्खेत र अत्तरियामा उद्योग स्थापना हुने भएको छ । कृषिजन्य वस्तुको उत्पादनमा आधारित उद्योग खोलेमा विशेष छुट दिइने बजेटमा उल्लेख छ ।

उद्योग स्थापनाका लागि ५० वर्षसम्म जग्गा भाडामा दिन पाइने र वैदेशिक लगानी आकर्षित गर्न १० करोड रुपैयाँसम्मको वैदेशिक लगानीको स्वीकृति स्वचालित प्रणालीबाट हुने व्यवस्था मिलाउने बजेटमा उल्लेख छ ।

चितवनको शक्तिखोर लगायतका ठाउँमा औद्योगिक क्षेत्र निर्माण गर्ने, पालिकामा औद्योगिक ग्राम स्थापनाका लागि बजेट विनियोजन भएको छ । भैरहवा र सिमराका विशेष आर्थिक क्षेत्र सेजलाई पूर्ण क्षमतामा सञ्चालन गर्ने, काभ्रेको पाँचखालको सेज आउँदो वर्ष सम्पन्न गर्ने पनि बजेटमा उल्लेख छ । यस्तै सुदूरपश्चिम प्रदेशको हरैया र प्रदेश १ को सुनसरीमा विशेष आर्थिक क्षेत्र सेज स्थापना हुने भएको छ । औद्योगिक पूर्वाधार निर्माणका लागि तीन अर्ब ७९ करोड रुपैयाँ बजेट विनियोजन भएको छ ।

नवलपरासीको धौवादीबाट फलाम उत्पादनको पूर्वतयारीका कार्य सम्पन्न गर्ने, सुर्खेतमा स्थापना भएको किम्मती र अर्ध किम्मती पत्थर प्रशोधन केन्द्र सञ्चालनमा ल्याउने उल्लेख छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

उद्योग स्थापनाका लागि ५० वर्षसम्म जग्गा भाडामा दिन पाइने

फाइल फाेटाे

तपाईको प्रतिक्रिया