समाज कता जाँदैछ ? १० वर्षीय बालकद्वारा ६ वर्षीया बालिका बलात्कृत

 असोज ४, २०७५ बिहीबार २०:१:५५ | दुर्गा उपाध्याय
unn.prixa.net

कञ्चनपुर – कञ्चनपुरको कृष्णपुरमा ६ वर्षीया बालिकालाई बलात्कार गरेको आरोपमा प्रहरीले १० वर्षीय बालकलाई पक्राउ गरेको छ । कृष्णपुर नगरपालिका बण्डकी ६ वर्षीया बालिकालाई बलात्कार गरेको आरोपमा बिहीबार त्यही ठाँउका १० वर्षीय बालक पक्राउ परेका हुन् । 

बालकले आफूलाई बलात्कार गरेको बालिकाले बताएको पीडितकी आमाले बताउनुभयो । आमाका अनुसार बालिका विद्यालयबाट घरमा पुग्नासाथ घरको पछाडि गएकी थिइन् । धेरै बेरसम्म छोरी घरभित्र नआएपछि हेर्न जाँदा बालिकाले हातले च्यापेर दुख्यो भन्दै रोएको आमाको भनाई छ । 

‘स्कुलबाट आएपछि घरको पछाडि गएकी छोरी धेरै बेरसम्म भित्र आइन’, पीडतकी आमाले भन्नुभयो ‘पछि हेर्न जाँदा हातले थिचेर रुँदै थिई । त्यति बेलासम्म खुन पनि आएको थिएन् ।’

बालिका कक्षा २ मा अध्ययनरत छिन् । उनको विद्यालयमा बलात्कार भयो वा बिदा भएपछि घर आउने बेलामा बलात्कार भयो भन्ने खुल्न सकेको छैन् । 

छोरीले गुप्तांग दुख्यो भनेपछि आफूले गर्मीका कारण पिसाब पोलेरे दुख्यो होला सोचेको पीडिक बालिकाकी आमाले बताउनुभयो ।   

‘मैले त गर्मीले गर्दा पिसाब पोलेर दुख्यो होला भनेर हेरेँ’, आमाले भन्नुभयो, ‘हेर्दा सुरुमा अलिअलि खुन देखियो । एकछिनमा उठ्दा त भूइँमा खुनको ताल परिसकेको थियो ।’ 

छोरीको त्यस्तो अवस्था देखेपछि घर नजिक रहेका शिक्षकलाई घरमा गएर उहाँले सोध्नुभयो ।  शिक्षकले आफूलाई थाहा नभएको बताउँदै अर्को दिन छोरीलाई विद्यालय लिएर आउनु भनेको उहाँले बताउनुभयो । 

‘कसले हो भन्दा छोरीले एउटा केटाको नाम लिएर उसको दाइले हो भनी’, बालिकाकी आमाले भन्नुभयो, ‘शिक्षकले भोलि आउनु भनेपछि छिमकेकै अर्को एकजनालाई सुनाए । उनले प्रहरीमा फोन गरे ।’ 

प्रहरीले बालकलाई नियन्त्रणमा लिएर कारबाही अगाडि बढाएको छ । उनी त्यसै विद्यालयमा कक्षा ६ मा अध्ययनरत छन् । 

यस्तै, बालिकाको महाकाली अञ्चल अस्पतालमा स्वास्थ्य परीक्षण गरी जिल्ला प्रहरी कार्यालयमा राखिएको छ ।

कञ्चनपुरमा मात्रै गएको साउनदेखि हालसम्म १७ जना बालबालिका बलात्कारको शिकार भएका छन् । 
 

अन्तिम अपडेट: मंसिर ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ । 

6 Comments

  • नविन

    Oct. 30, 2020, 12:01 p.m.

    हो त्यही भएर त बिदेशीको संस्कार नसिक भनेको । नेपाली पोसाक, नेपाली संस्कार, नेपाली सदभाव, हो यही नै कायम गर्नु पर्छ / गराउन पर्छ । ढोगेर आशिर्वाद लिने ठाउमा मेचमा बसेर लिने दिने , धुप-अछेता-फुल-बाती जलाएर सदभाब बाँड्ने चलन बिर्सेर चुम्बन गर्ने, अङ्गालो मार्ने । अनि बच्चाहरुलाई सानै देखि कुन सभ्य ब्यबहार-बानी हो , कुन होईन, त्यो सबै सिकाउनु पर्छ र बानी बसाउनु पर्छ । प्राकृतिक रुपले दिएर पाईएको चोला, जिम्मेवार र भुमिका निभाउन सानै देखी सिकाउन पर्छ । काम महिला पुरुस एउटै भए पनी महिलाले बच्चा नजन्माएर पुरुषले बच्चा पाउन पर्छ भने जस्तै गर्छ आजकालको महिला । बिशेष महिलाहरुलाई पुरुषहरुले घर ब्यबहार मात्रै नभएर , सामाजिक ब्यबहार, परिवरिक ब्यबहार, संस्कार संस्कृतिको पाठ सिकाउनु पर्छ । सानै देखी नैतिकताको जिम्मेवारी सिकाउन पर्छ । आफु आफैले पनि सही मनसाय गरेर प्रेरित गर्न पर्छ । अब अचेल सबै बच्चाहरु रोडमा , घरघर डुल्न , दुनिया सङ्गत गर्न , सबथोक हेर्ने गर्छन । बाउआमा पैसा , पद , ईजत-ईमान कमाउनमै ब्यस्त हुन्छन । तर यो काम गर्न चाही नेपालमा सही ट्रेन्ड छैन । खाली छल्ने, ढाट्ने, पिट्ने, तर्साउने , चोरीचुकली गर्ने , यस्ता बनी बुकेका बाउआमाको बच्चा यस्तो नगरे के गर्छ ??

  •  0 Reply

  • Sudesh bishwakarma

    Oct. 4, 2020, 5:59 a.m.

    आखिर येस्ता घटना कतिन्जेल सम्म सरकार? ठुलालाई चैन सानालाई ऐन नै हो त। यस्तो पराले आउदा सन्ततिले के सिक्लान्😭😭😭

  •  0 Reply

  • Santosh

    Aug. 8, 2020, 2:47 p.m.

    त्यो केटो दस वर्षको मात्रै हुन सक्दैन ।

  •  0 Reply

  • Biswash Koirala

    Oct. 3, 2018, 8:53 a.m.

    Hang all the rapists or cut them into 2 pieces in mid chowk or Tudikhel.

  •  0 Reply

  • बिबस कुलुङ

    Sept. 21, 2018, 4:54 p.m.

    समाचार र हल्लाको प्रभाब हो ।

  •  0 Reply

  • अमृत श्रेष्ठ

    Sept. 21, 2018, 6:39 a.m.

    समाज विक्रिती बिसङ्गती तर्फ अघी लम्किरहेछ । भनिन्छ नी आजका बालक काँचो माटो हो। जे सिकायो उनिहरु त्यही सिक्छन् ।उनिहरुमा सही या गलत छुट्याउन सक्ने क्षमताको विकास हुदैन। त्यसमा पनि अहिले प्रमुख चर्चाको विषयमा रहेको छ कञ्चनपुरको निर्मला हत्या काण्ड प्रकरण, आखिर किन दोषिलाई कारवाही भएको छैन। बलत्कारी खुलेआम हिडिरहेछ, शुरक्षा प्रशासन निकाय निर्दोषिलाई दोषी साबित गर्न खोज्छ । जब सम्म यस्ता घटनाको राम्रो सँग छानबिन भई दोषीलाई कारवाही हुदैन तबसम्म यस्ता जघन्य अपराध दिनानुदिन नबढ्ला भन्न सकिदैन । यस्तैमा हुदा हुदा साना बालबालिकाहरुलाई पनि त्यस्तो प्रव्रितीले छोएछ। सम्बन्धीत निकाय गम्भिर भई सोच्नुपर्ने बेला आएको छ।

  •  0 Reply

तपाईको प्रतिक्रिया

समाचार

लोकप्रिय

१

नेपाल एअरलाइन्सको अन्तर्राष्ट्रिय भाडादरमा छुट

२

अलैंचीको मूल्य उच्च विन्दूमा, ४० किलाेकाे एक लाख सात हजार रुपैयाँ

३

रुसले युक्रेनमा पहिलो पटक अन्तरमहादेशीय ब्यालेस्टिक क्षेप्यास्त्र प्रहार गर्‍याे

४

नेपाली युवा टाेलीले जित्याे कर्नाटकसँगको पाँच खेलको शृङ्खला

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई