बजेट महत्त्वाकाङ्क्षी छैन, सन्तुलित र वास्तविक छ : अर्थमन्त्री शर्मा

जेठ २०, २०७९ शुक्रबार १६:५२:३९ | रासस

काठमाण्डाै – अर्थमन्त्री जनार्दन शर्माले आउँदाे आर्थिक वर्षका लागि प्रस्तुत गरेको बजेट अत्यन्तै संयमता अपनाएर स्रोत र साधनको उचित विनियोजन गरिएको बताउनुभएको छ ।

प्रतिनिधि सभाको आज शुक्रवारको बैठकमा आव २०७९/८० को बजेटमाथिको सैद्धान्तिक छफलमा उठेका प्रश्नको उत्तर दिँदै उहाँले बजेट महत्त्वाकाङ्क्षी नभइ सन्तुलित र वास्तविक भएको उल्लेख गर्नुभयो ।

अर्थमन्त्री शर्माले चालु आवको तुलनामा आउँदाे वर्षकाे बजेट ९ दशमलव ८६ प्रतिशतले मात्रै बढी भएकाले यसलाई महत्त्वाकाङ्क्षी भन्न नमिल्ने बताउनुभयो । उहाँले संविधान र सङ्घीयताको मर्मलाई मध्यनजर गरी बजेट तर्जुमा गरिएको धारणा राख्नुभयो ।

कृषि क्षेत्रमा प्रोत्साहन, बाँझो जमिनको सदुपयोग र युवालाई कृषिमा आकर्षण गर्न कार्यक्रम बजेटमा समेटेकाे उहाँले जानकारी दिनुभयो । किसानलाई आत्मसम्मानका साथ उत्साहित गर्नुपर्ने भएकाले योगदानमा आधारित किसान हितकोषको व्यवस्था गरिएको र बजेटले आन्तरिक उत्पादनलाई जोड दिएको उहाँले उल्लेख गर्नुभयो ।

उपलब्ध स्रोत, साधन, पुँजी र प्रविधिलाई जोडेर तीव्र उत्पादनतर्फ देशलाई लैजाने आजको आवश्यकता भएकाले त्यहीअनुसार बजेट तर्जुमा गरिएको मन्त्री शर्माले बताउनुभयो । उत्पादनमूलक उद्योग, निर्यात प्रवर्द्धनलगायत विषयलाई बजेटले समेटेको पनि उहाँले जानकारी दिनुभयो ।

अर्थमन्त्री शर्माले चुनाव हुने वर्ष भए नि संविधानतः सरकारले हरेक जेठ १५ मा वार्षिक बजेट पेस गर्नुपर्ने भएकाले त्याे दायित्व निर्वाह गर्दै बजेट ल्याइएकाले चुनावपछि बन्ने सरकारले पनि यस बजेटलाई निरन्तरता दिने विश्वास व्यक्त गर्नुभयो । उहाँले देशकाे अर्थतन्त्र चलायमान बन्दै गएको र पर्यटनबाहेक सबै क्षेत्र पूर्ववतः अवस्थामा फर्किएको तथा राजस्व सङ्कलन पनि सन्तोषजनक रहेको बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्