आज रातिदेखि कालीगण्डकीकाे बिजुली भारतलाई बेच्न थालिने

जेठ २१, २०७९ शनिबार २०:२६:५३ | उज्यालो सहकर्मी

काठमाण्डाै – नेपाल विद्युत् प्राधिकरणको स्वामित्वमा रहेको १४४ मेगावाट जडित क्षमताको कालीगण्डकी 'ए' विद्युत् गृहबाट उत्पादित बिजुली भारत निर्यात सुरु हुने भएको छ । प्राधिकरणले कालीगण्डकी विद्युत् गृहबाट उत्पादित बिजुली आज शनिवार राति १२ बजेदेखि निर्यात सुरु गर्न लागेको हो ।

प्राधिकरणले भारतीय ऊर्जा एक्सचेन्ज (आईईएक्स) मा बिहीवारदेखि त्रिशूली र देवीघाट जलविद्युत् गृहबाट उत्पादित विद्युतलाई स्रोत मानी दैनिक रूपमा झन्डै ३९ मेगावाट बिजुली निर्यात गरिरहेको छ । कालीगण्डकीको पनि सुरु भएसँगै प्राधिकरणले १७७ दशमलव ७ मेगावाट बिजुली भारत निर्यात गर्ने छ । कालीगण्डकी 'ए' को १४० मेगावाट, त्रिशूलीको २३ दशमलव २ मेगावाट र देवीघाटको १४ दशमलव ५ मेगावाट बिजुली भारत निर्यात हुने छ ।

वर्षायामसँगै नदीनालामा पानीको बहाव बढेर विद्युत् गृहहरू पूर्ण क्षमतामा चल्न थालेपछि आन्तरिक रूपमा खपत गरी बाँकी भएको ऊर्जालाई प्राधिकरणले भारत निर्यात गरेको हो ।

प्राधिकरणका कार्यकारी निर्देशक कुलमान घिसिङले शनिवार रातिदेशि निर्यात हुने बिजुलीकाे औसत बिक्री मूल्य प्रतियुनिट ११ रुपैयाँ दुई रुपैयाँ (७ भारु) रहेको बताउनुभयो । ‘अधिकतम दर प्रतियुनिट १९ रुपैयाँ (१२ भारु), न्यूनतम दुई रुपैयाँ ३८ पैसा (१ दशमलव ४९ भारु) र औसत दर ११ रुपैयाँ दुई पैसा (७ भारु) छ’, घिसिङले भन्नुभयो ।

आईईएक्समा २४ घण्टालाई १५/१५ मिनेटको ९६ वटा ब्ल्कमा विभाजन गरी बजारले तय गरेको प्रतिस्पर्धी दरमा बिजुलीकाे कारोबार गरिन्छ । त्यसैले हरेक ब्ल्कको मूल्य फरक–फरक हुने गरेको छ ।

प्राधिकरणका अनुसार बिहीवार निर्यात गरिएको बिजलीकाे अधिकतम र न्यूनतम मूल्य प्रतियुनिट क्रमशः भारु १२ (१९ रुपैयाँ दुई पैसा) र दुई दशमलव ४९ भारु (तीन रुपैयाँ ९८ पैसा) छ । त्यस दिनको औसत मूल्य प्रतियुनिट भारु ६ दशमलव ७२ (१० रुपैयाँ ७६ पैसा) छ ।

यसैगरी शनिवार प्रधिकरणले अधिकतक प्रतियुनिट मूल्य १९ रुपैयाँ दुई पैसा (१२ भारु) र न्यूनतम चार रुपैयाँ आठ पैसा (२ दशमलव ५५ भारु) मा बिजुली बिक्री गरेको छ । औसतमा मूल्य ११ रुपैयाँ ४८ पैसा (७.१८ भारु) रहेको छ ।

नेपालले भारतीय ऊर्जा एक्सचेन्ज बजारमा प्रतिस्पर्धी दरमा ३६४ मेगावाटसम्म बिजुली बिक्री गर्न अनुमति पाएको छ ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्