बजेट कम पाएकाे भन्दै गण्डकी प्रदेशका ऊर्जामन्त्रीद्वारा विराेध

जेठ ३०, २०७९ सोमबार १९:२८:५३ | सागर राज तिमिल्सिना

कास्की – गण्डकी प्रदेश सरकारका ऊर्जा, जलस्रोत तथा खानेपानी मन्त्री हरिशरण आचार्यले आउँदाे आर्थिक वर्षकाे बजेटकाे विराेध गर्नुभएकाे छ ।

संसदीय कार्यालयमा आज साेमवार पत्रकार सम्मेलन गर्दै उहाँले आफ्नो मन्त्रालयले अघिल्लो वर्षकाे भन्दा पनि कम बजेट पाएको भन्दै विरोध जनाउनुभएकाे हाे । गण्डकी प्रदेश सरकारले पर्सि बुधवार बजेट ल्याउँदै छ । चालु आर्थिक वर्षमा १२ दशमलव ६ प्रतिशत बजेट पाएको मन्त्रालयलाई आउँदाे बजेटमा ६ दशमलव ३ प्रतिशत मात्रै बजेट छुट्याइएकाे उहाँकाे भनाइ छ ।

जसपाका नेतासमेत रहनुभएका मन्त्री आचार्यले गण्डकी प्रदेशकाे अहिलको बजेट ३० अर्ब रुपैयाँ रहेको र अब आउने बजेट ३६ अर्ब रुपैयाँभन्दा धेरैकाे भए पनि आफ्नाे मन्त्रालयले कम पाएकाे गुनासाे गर्नुभयाे ।

बजेटमा मुख्यमन्त्री र अर्थमन्त्रीको हालिमुहाली रहेकाे भन्दै जसपा सरकारबाट बाहिरिन सक्ने मन्त्री आचार्यले चेतावनी दिनुभयाे । जसपाबाट गण्डकी प्रदेश सरकारमा दुई जना सांसद छन् ।

प्रदेश सभाको सोमवारको बैठकमा आउँदाे आर्थिक वर्ष २०७९/८० को नीति तथा कार्यक्रम पारित गर्ने कार्यसूची थियो । मन्त्री आचार्य बैठकमा पुगे पनि नीति तथा कार्यक्रम पास गर्ने बेला उहाँले न टेबल ठोक्नुभयाे न हात उठाउनुभयाे । प्रदेशको नीति तथा कार्यक्रम बहुमतले पारित भयाे ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सागर राज तिमिल्सिना

कास्कीमा रहेर पत्रकारिता गर्ने सागर उज्यालाेका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्