शेयर बजार दाेहाेराे अङ्कले घट्दै २ हजार विन्दुभन्दा तल झर्‍याे

जेठ ३१, २०७९ मंगलबार १५:८:३ | उज्यालो सहकर्मी

काठमाण्डाै – शेयर बजार आज मङ्गलवार पनि घटेकाे छ । हिजाे साेमवार १५ अङ्कले घटेकाे शेयर बजार परिसूचक नेप्से आज ३६ दशमलव ०८ अङ्कले घटेर एक हजार नाै सय ९६ दशमलव २५ विन्दुमा झरेकाे छ ।

सबै समूहकाे शेयर घटेकाेमा बीमा, विकास बैंक, उत्पादन, जलविद्युत्, व्यापार र हाेटल तथा पर्यटन समूहकाे शेयर उच्च अङ्कले घटेकाे छ ।

आज दुई सय २३ वटा कम्पनीकाे ४१ लाख ४७ हजार कित्ता शेयर एक अर्ब १८ कराेड रुपैयाँमा काराेबार भएकाे छ । सबैभन्दा धेरै शिवम् सिमेन्टकाे चार कराेड ६७ लाख रुपैयाँ बराबरकाे शेयर किनबेच भयाे ।

आज हिमालयन पावर पार्टनरकाे शेयर सबैभन्दा धेरै झन्डै १० प्रतिशतले घटेकाे छ । समग्र बजार घटे पनि आँधीखाेला लघुवित्तकाे शेयर आठ प्रतिशतभन्दा धेरैले बढेकाे छ ।

शेयर बजार आज मङ्गलवार १८ महिनायताकै कम विन्दुमा झरेकाे हाे । शेयर बजार २०७७ पुस पहिलो हप्तासम्म एक हजार नाै ९८ दशमलव ६५ विन्दुमा कारोबार भएको थियो । त्यसपछि गएकाे असारदेखि फराकिलो अङ्कले नेप्से सूचक र कारोबार रकमसमेत बढ्दै गएको थियो । गएकाे साउन अन्तिमसम्म बजार बढेर ३२ सय अङ्कमाथि पुगेको थियो । तर चालु आर्थिक वर्ष लागेसँगै निरन्तररूपमा शेयर बजार घटिरहेकाे छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्