संसदीय समितिले सरकारसँग माग्याे एसपीपीसँग सम्बन्धित कागजपत्र

असार ३, २०७९ शुक्रबार १६:३:४ | उज्यालो सहकर्मी

काठमाण्डाै – प्रतिनिधि सभाको अन्तर्राष्ट्रिय सम्बन्ध समितिले सरकारसँग अमेरिकी स्टेट पार्टनरशिप प्रोग्राम (एसपीपी) सँग सम्बन्धित कागजपत्र माग गरेको छ ।

आज शुक्रवार परराष्ट्र मन्त्री डा. नारायण खड्का, प्रधानसेनापति प्रभुराम शर्मा, रक्षा मन्त्रालयका सचिव किरण शर्मा लगायतसँग एसपीपीबारे छलफल गरेपछि समितिले यससँग सम्बन्धित कागजपत्र उपलब्ध गराउन नेपाल सरकार र परराष्ट्र मन्त्रालयलाई निर्देश गरेको समिति सभापति पवित्रा निरौला खरेलले जानकारी दिनुभयो ।

समितिले अमेरिका भ्रमण र एसपीपीका विषयमा उठेका प्रश्नहरुको जवाफ दिन प्रधानमन्त्री शेरबहादुर देउवालाई समेत आउँदो आइतवार समितिको बैठकमा बोलाएको छ । बैठकमा परराष्ट्रमन्त्री नारायण खड्काले एसपीपीको विषय सकिएकोले अब नखोतल्न आग्रह गर्नुभएको छ । प्रधानमन्त्री शेरबहादुर देउवाले नै यो सम्झौता नगर्ने, यसलाई अन्त्य गर्ने प्रक्रियामा जान्छौँ भन्नुभएको भन्दै उहाँले अब यसलाई नकोट्याउन आग्रह गर्नुभयो ।

यस्तै प्रधानसेनापति प्रभुराम शर्माले पनि एसपीपी कार्यक्रम सेनालाई मान्य नभएको बताउनुभयो । समिति बैठकमा एसपीपीबारे उठेका प्रश्नको जवाफ दिँदै प्रधानसेनापति शर्माले एसपीपी नआएको र आए पनि मान्य नहुने बताउनुभएको हो ।

सुरुमा मानवीय सहयोगका लागि कुरा आएकोले पत्राचार भएको भन्दै उहाँले सैन्य गठबन्धनमा जाने भएपछि हामी जाँदैनौँ भनेको बताउनुभयो । उहाँले आफ्नो अमेरिका भ्रमणमा कुनै सम्झौता गर्ने कार्यक्रम नरहेको पनि जानकारी गराउनुभयो ।

बैठकमा नेकपा एमालेका सांसद भीम रावलले परराष्ट्रमन्त्रीले एसपीपीलाई नकोट्याउन गरेको आग्रहको विरोध गर्नुभएको छ । उहाँले यो सम्झौतासम्बन्धी विस्तृत रूपमा जानकारी दिनु पदीय र कानुनी दायित्व भएको बताउनुभयो । परराष्ट्र नीति बाहिर ल्याउँदा गाह्रो पर्ने अवस्था आए देशको कुटनीति कमजोर रहेछ भन्ने बुझ्नुपर्ने उहाँले बताउनुभयो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

संसदीय समितिले सरकारसँग माग्याे एसपीपीसँग सम्बन्धित कागजपत्र

फाइल फाेटाे

तपाईको प्रतिक्रिया