देउवाले पार्टीकाे नेतृत्व गर्न सक्नु भएन : नेता भण्डारी

असार १६, २०७९ बिहीबार १९:२६:३८ | उज्यालो सहकर्मी

काठमाण्डाै – नेपाली कांग्रेसका नेता चन्द्र भण्डारीले पार्टी सभापति शेरबहादुर देउवाले पार्टीको नेतृत्व गर्न नसकेको बताउनुभएको छ ।

आज बिहीवार पार्टीका नेता शेखर कोइराला पक्षधरको भेलामा सहभागी हुन पुग्नुभएका नेता भण्डारीले पार्टी सभापति शेरबहादुर देउवाले पार्टीको नेतृत्व गर्न नसकेको बताउनुभएको हो । उहाँले सभापति देउवाले पार्टी विधानअनुसार काम गर्न नसकेको बताउनुभयो । अन्य पार्टीले मन्त्रिपरिषद् हेरफेर गरे पनि देउवाले आफ्नो पार्टीमा त्यसबारे बोल्नसमेत नसकेको उहाँले आरोप लगाउनुभयो । उहाँले देउवा सत्तामा जाने राजनीतिका लागि सफल व्यक्ति भएको बताउनुभयो ।

सभापति देउवाले गुटको प्रतिनिधित्व नगरि सिङ्गो पार्टीको प्रतिनिधित्व गर्नुपर्ने नेता भण्डारीकाे भनाइ छ । उहाँले नेता शेखर कोइराला पक्षीय नेताहरूको भेला गुटको नभइ विचारको भेला भएको जिकिर गर्नुभयो । उहाँले भन्नुभयो, ‘सभापतिले गुटको प्रतिनिधित्व नगरेर सिङ्गो पार्टीको प्रतिनिधित्व गर्दै देशको प्रतिनिधित्व गर्नुस् भन्ने हाम्रो दृष्टिकोण हो । तर उहाँले केन्द्रीय समिति बनाउनुभएको छ, उहाँले भातृ संस्थाहरू बनाउनुभएकाे छ तर एकपक्षीय छ । नेविसङ्घ गठन गर्न सुशील कोइरालाले आफ्नो व्यक्ति राख्यो भनेर नौ महिनासम्म केन्द्रीय समितिको बैठक गर्न नदिएको कुरा पनि उहाँले सम्झिनुपर्छ ।’

नेपाली कांग्रेसका नेता कोइराला पक्षीय नेताहरूको भेला बत्तीसपुतलीमा रहेकाे एक फुडल्यान्डमा चलिरहेकाे छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्