प्रधानमन्त्रीले ओलीसँग कुरा गर्न खाेज्दा फाेन लागेन, त्यसपछि चुनावकाे मिति घाेषणा भयाे : मन्त्री कार्की

साउन २०, २०७९ शुक्रबार १३:५२:४ | उज्यालो सहकर्मी

काठमाण्डाै – आउँदाे मङ्सिर ४ गते प्रतिनिधि सभा र प्रदेश सभा चुनावकाे मिति घोषणा गर्ने कुरा संविधान, कानुनअनुसार नै भएको सञ्चार तथा सूचना प्रविधिमन्त्री ज्ञानेन्द्रबहादुर कार्कीले बताउनुभएको छ । प्रमुख प्रतिपक्ष दल नेकपा एमालेले आफूसँग परार्मशसमेत नगरि सरकारले चुनावकाे मिति घोषणा गरेको भन्दै असन्तुष्टि जनाइरहेका बेला मन्त्री कार्कीले यस्तो स्पष्टीकरण दिनुभएको हो ।

आज शुक्रवार प्रधानमन्त्री निवास बालुवाटारमा बसेको सत्तारूढ पाँच दलको बैठकपछि सञ्चारकर्मीले राखेका जिज्ञासाको जवाफ दिने क्रममा उहाँले निर्वाचन आयोगको परामर्शअनुसार सरकारले चुनावकाे मिति घोषणा गरेको बताउनुभयाे । मङ्सिर ४ गते प्रतिनिधि सभा र प्रदेश सभाको चुनाव हुने कुरा अपेक्षित रहेको उल्लेख गर्दै मन्त्री कार्कीले त्यसका लागि प्रमुख प्रतिपक्षसँग परामर्श गर्नैपर्ने भन्ने कुरामा सत्यमा नरहेको दाबीसमेत गर्नुभयो ।

उहाँले भन्नुभयो, ‘चुनावको मिति घोषणा गर्ने कुरा निर्वाचन आयोगले धेरै अगाडि प्रस्ताव गरेको हो । आयोगको परामर्शअनुसार सरकारले गर्ने कुरा यो नियमित अभ्यासकै कुरा हो । प्रतिपक्षसँग परामर्श गरेर चुनावको मिति घोषणा गर्ने भन्ने कुरामा सत्यता छैन । प्रधानमन्त्रीले क्याबिनेट सुरु हुनुअघि प्रमुख प्रतिपक्ष दलका नेता केपी शर्मा ओलीलाई फोन गर्न कोसिस गर्नुभएको थियो । त्यसमा म पनि उपस्थित छु । तर त्यो बेला फोन संवाद हुन सकेन । त्यसपछि निर्णय भयो । मङ्सिर ४ गते चुनाव हुने कुरा अपेक्षित कुरा हो ।’

मन्त्री कार्कीले सत्तारूढ दलहरूबीचको चुनावी तालमेललाई अघि बढाउनका लागि आवश्यकताअनुसार छलफल गर्दै अघि बढ्ने सहमति पनि गरिएको बताउनुभयो ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्रीले ओलीसँग कुरा गर्न खाेज्दा फाेन लागेन, त्यसपछि चुनावकाे मिति घाेषणा भयाे : मन्त्री कार्की

फाइल तस्बिर

तपाईको प्रतिक्रिया