कालीगण्डकी नदीमा थपिँदै लामो झोलुङ्गे पुल

 भदौ ७, २०७९ मंगलबार ७:२२:४३ | रासस
unn.prixa.net

फाइल फाेटाे

बाग्लुङ - लामा र अग्ला झोलुङ्गे पुलको जिल्लाका रूपमा परिचित बाग्लुङ र पर्वत जिल्ला जोड्ने गरी कालीगण्डकी नदीमाथि अर्को झोलुङ्गे पुल थपिने भएको छ ।

बाग्लुङबाट पर्वत जोड्ने ५ सय २३ मिटर लामो झोलुङ्गे पुल निर्माण थालिएको छ । बाग्लुङ नगरपालिका–४ उपल्लाचौर गौरीधामबाट पर्वत जिल्लाको जलजला गाउँपालिका–८ ओडारे जोड्ने ५ सय २३ मिटर लामो झोलुङ्गे पुल निर्माण सुरु गरिएको हो । यो पुल सात करोड रुपैयाँ लागतमा निर्माण हुनेछ ।

दुई वर्षमा निर्माण सक्ने गरी सस्पेन्सन ब्रिज डिभिजन कार्यालय काठमाण्डौसँग हिमशिखर कन्ट्रक्शन निर्माण कम्पनीबीच सम्झौता भएर काम अगाडि बढेको छ ।

बाग्लुङ–१ रामरेखाबाट पर्वतको कुश्मा–१ अदुवाबारी जोड्ने ५ सय ६७ मिटर लामो झोलुङ्गे पुल निर्माण सम्पन्न भएको दुई वर्षपछि पुनः बाग्लुङ र पर्वत जोड्ने अर्को लामो झोलुङ्गे पुल निर्माण थालिएको हो । पुल विश्वकै एकल स्पानमध्ये लामो भएको बाग्लुङ नगरपालिकाले विश्व रेकर्डका लागि निवेदन समेत दिएको छ ।

बाग्लुङको गौरीधामबाट पर्वतको जलजलामा रहेकाे ओडारे जोड्ने गरी कालीगण्डकी नदीमाथि निर्माण गर्न थालिएको पुल निर्माणको बाग्लुङतर्फबाट जग खन्ने कार्यको थालनी गरिएको हो ।

बाग्लुङ नगरपालिका–४ का वडाध्यक्ष कुमारविक्रम क्षेत्रीले बाग्लुङ बजारलाई पर्वतको जलजला गाउँपालिकासँग जोड्दा बाग्लुङ बजारको व्यापार–व्यवसाय बढ्ने र जलजलावासी घण्टौँ लगाएर बाग्लुङ बजार आउनुपर्ने अवस्थाको अन्त्य हुने बताउनुभयो। 

अन्तिम अपडेट: मंसिर ६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

पाकिस्तानमा धार्मिक हिंसा भड्किँदा कम्तीमा ३२ जनाको ज्यान गयो

२

अमेरिकी खर्बपति एलन मस्कसँग प्रधानमन्त्री ओलीको भर्चुअल संवाद

३

तीन जना निर्विरोध भएपछि अब ४१ पदको लागि उपचुनाव, काठमाण्डौको कीर्तिपुर बढी चर्चामा

४

नयाँ बसपार्कबाट मात्रै सार्वजनिक बस सञ्चालन गर्ने काठमाण्डौ महानगरको निर्णय कार्यान्वयन भएन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई