‘यूपी र बिहारमा गर्मीले उकुसमुकुस भएका मान्छेलाई नेपालको चिसो मौसममा ल्याउनुपर्छ’

भदौ १५, २०७९ बुधबार १६:२२:१९ | रासस

काठमाण्डौ – नेकपा (एकीकृत समाजवादी) का अध्यक्ष माधवकुमार नेपालले पर्यटकस्थलको प्रचारप्रसारमा कमी रहेको बताउनुभएको छ । एकीकृत समाजवादीको केन्द्रीय पर्यटन विभागले आज बुधवार आयोजना गरेको पर्यटन तथा नागरिक उड्डयन क्षेत्रको समस्या र चुनौती विषयक कार्यक्रममा उहाँले पर्यटनको विषयवस्तुको राम्रोसँग प्रचार गर्न नसकिएको बताउनुभयो ।

‘हामीले हिमाल, तालतलैया, मुगुको रारा, संसारको सबैभन्दा अग्लो तिलिचो ताललाई बजारीकरण गर्न सकेको छैनौँ’, उहाँले भन्नुभयो, ‘नेपालमा रहेका ऐतिहासिक थलो, गढीको राम्रो ढङ्गले प्रचार गर्ने हो भने पर्यटन आउने छन् ।’ उहाँले भारतको उत्तर प्रदेश र बिहार राज्यम गर्मीले उकुसमुकुस भएका मान्छेलाई नेपालको चिसो मौसममा ल्याउनुपर्ने भनाइ राख्नुभयो ।

अध्यक्ष नेपालले नारायणहिटी सङ्ग्रहालयलाई ठूलो सङ्ग्रहालयका रूपमा विकास गर्नुपर्ने बताउनुभयो । ‘अहिलेसम्म नेपालमा भएका राजतन्त्रकालको सबै चिज सङ्ग्रहालयमा देख्न पाइयोस् । किरात, लिच्छवी, महिसपाल वंश, सेन वंश, शाहवंशले कसरी शासन सञ्चालन गरेका थिए । त्यो सबै कुरा सङ्ग्रहालयमा राख्नुपर्दछ । त्यो हेर्न विदेशी आउने छन्’, उहाँले भन्नुभयो ।

संस्कृति, पर्यटन तथा नागरिक, उड्डयनमन्त्री जीवनराम श्रेष्ठले नेपाल वायु सेवा निगममा विकृति र अस्तव्यस्त रहेकोले सुधार्न आवश्यक रहेको बताउनुभयो । उहाँले सरकारले ४७ अर्ब रुपियाँ बजेट दिए पनि सरकारसँग निगमले समन्वय नगरेकोले अस्तव्यस्त भएको बताउनुभयो । उहाँले निगमले सञ्चालन गरेको ध्वजावाहक जहाज बिग्रिएर सञ्चालन हुन नसकेको बताउनुभयो ।

‘सरकारसँग समन्वय नगरेर एकल ढङ्गबाट नेपाल वायु सेवा निगम चलाइयो भने समाप्त हुन्छ’, उहाँले भन्नुभयो, ‘सरकारको समन्वयमा निगमले ध्वजावाहक जहाज सञ्चालन गर्नुपर्दछ ।’ अनलाइन टिकट गर्नका लागि आफूले निर्देशन दिए पनि नेपाल निगमले नमानेको उहाँले बताउनुभयो । उहाँले १२ महिना पर्यटन भित्र्याउन पहल गरिने योजना बनाइरहेको बताउनुभयो ।

उहाँले एक दशकको भ्रमण वर्षका सम्बन्धमा मन्त्रालयबाट निर्णय गरिसकेको भन्दै अब चाँडै नै मन्त्रिपरिषद् बैठकबाट निर्णय गराउने पनि बताउनुभयो ।

कार्यक्रममा डा. बिपी बडालले कार्यपत्र प्रस्तुत गर्दै स्थानीय पर्यटन शुल्क मिनाहा गरी पर्यटकको बसाइँ तथा खर्च बढाउने कार्यक्रम सञ्चालन गर्नुपर्ने बताउनुभयो । कार्यपत्रमाथि राष्ट्रिय योजना आयोगका डा. रामकुमार फुँयाल र नेपाल राष्ट्र बैंकका पूर्व गर्भनर दिपेन्द्रपुरुष ढकालले टिप्पणी गर्दै नेपालमा पर्यटनको सम्भावना रहेकोले प्रचारप्रसारको कमी र पर्यटन नीतिगत सुधार आवश्यक रहेको बताउनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘यूपी र बिहारमा गर्मीले उकुसमुकुस भएका मान्छेलाई नेपालको चिसो मौसममा ल्याउनुपर्छ’

फाइल फाेटाे

तपाईको प्रतिक्रिया