सीसीटीभी क्यामेरा हेर्दै, कारबाही गर्दै ट्राफिक

भदौ १५, २०७९ बुधबार १९:१३:२५ | रासस

काठमाण्डाै – तपाईँले ट्राफिक प्रहरीको आँखा छलेर लेन मिच्दै जथाभाबीरूपमा गाडी चलाइरहनुभएको त छैन । यदि त्यस्तो छ भने अब तपाईँ प्रहरीको कारबाहीबाट भाग्न सक्नुहुन्न । कुनै न कुनै दिन तपाईँ कारबाहीको भागिदार हुन सक्नुहुन्छ ।

किनकि प्रहरीले सीसीटीभी क्यामेराको श्रव्यदृष्य हेरेर नियम उल्लङ्घन गर्नेलाई खोजेर कारबाही सुरु गरेको छ । विगतमा याे अभियान चलाइएपछि केही वर्ष रोकिएकाेमा काठमाण्डाै उपत्यका ट्राफिक प्रहरी कार्यालयले फेरि सुरु गरेको हो ।

काठमाण्डाै उपत्यकामा ट्राफिक नियम उल्लङ्घन गरी फरार रहेका गाडीका चालकलाई सीसी क्यामेराका आधारमा कारबाही तीव्र पारिएसँगै पछिल्लो समयमा मात्रै सीसी क्यामेराको फुटेजका आधारमा पहिचान गरी ६३ वटा गाडीका चालक कारबाहीमा परेका छन् ।

सीसी क्यामेरा फुटेजमा कैद भएको श्रव्यदृष्यमा देखिएअनुसार लेन उल्लङ्घन गर्ने ३१, एकतर्फी सडकमा त्यस विपरीत गाडी चलाएका २३ र गाडी मोड्न निषेध गरेको ठाउँमा गाडी मोडेका आठ जना चालकलाई कारबाही गरिएको हो ।

यस्तै यात्रु लिन नमानेको कसुरमा अर्का एक चालकलाई पनि कारबाही गरिएको छ । भदौ १ देखि १४ गतेसम्म काठमाण्डाै उपत्यकाको विभिन्न ठाउँमा ट्राफिक नियम उल्लङ्घन गरेका चार सय २० चालक छन् ।

ट्राफिक प्रहरीले खोजी गरी ल्याइएका ९७ चालकमध्ये ६३ जनालाई कारबाही गरिएको छ । अन्य चालक अहिलेसम्म ट्राफिक प्रहरीको सम्पर्कमा नआएकाले खोजी भइरहेको काठमाण्डाै उपत्यका ट्राफिक प्रहरी कार्यालयका प्रवक्ता एवम् प्रहरी वरिष्ठ उपरीक्षक राजेन्द्रप्रसाद भट्टले जानकारी दिनुभयो ।

सवारी नियम उल्लङ्घन गर्ने चालकलाई ट्राफिक प्रहरीले विगतमा झैँ सीसीटीभी फुटेजका आधारमा खोजी गरी गर्ने कारबाहीलाई थप तीव्रता दिइएको प्रवक्ता भट्टले बताउनुभयो । प्रहरीले विद्यार्थी लक्षित जाँच अभियान पनि सँगसँगै अघि बढाएको छ । याे अभियानका क्रममा विद्यार्थीले पनि जाँड–रक्सी खाएर गाडी चलाउने गरेको पाइएपछि उनीहरूसमेत कारबाहीमा परेका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सीसीटीभी क्यामेरा हेर्दै, कारबाही गर्दै ट्राफिक

फाइल फाेटाे

तपाईको प्रतिक्रिया