पाकिस्तानमा धार्मिक हिंसा भड्किँदा कम्तीमा ३२ जनाको ज्यान गयो
मंसिर ८, २०८१ शनिबार
तपाईँ भूकम्प प्रभावित हुनुहुन्छ? यसरी पाउनुहुनेछ ३ लाख रुपैयाँको सहुलियत ऋण
यसअघि सरकारले भूकम्प पीडितलाई २ प्रकारका ऋण सुविधा घोषणा गर्यो । घोषणा गरे पनि भूकम्प पीडितले पाएनन् ।
सरकारले ऋण दिने भनेको हो भने भूकम्प पीडितले पनि ऋण नै मागेका हुन् । तर बैंक तथा बित्तीय संस्थाले सरकारलाई टेरेनन्, पीडितलाई पत्याएनन् । सरकारले भनेजस्तै सहजै ऋण दिन राजी उनीहरु नै भएनन् ।
सरकारले २ प्रतिशत ब्याजदरमा काठमाडौं उपत्यकाभित्र २५ लाख र उपत्यका बाहिरका भूकम्प पीडितलाई १५ लाख रुपैयाँ ऋण दिने घोषणा गरेको थियो । यो ऋण सुविधा लिने पनि झण्डै १२ सय मात्रै छन् ।
अर्को सामूहिक जमानीको निर्ब्याजी तीन लाख रुपैयाँको व्यवस्था गरिएको थियो । अघिल्लो वर्ष कार्यविधि जारी भएको यो व्यवस्था अनुसार एक जनाले पनि ऋण लिन सकेनन् । अहिले सरकारले सामूहिक जमानीको निर्ब्याजी तीन लाख रुपैयाँको कार्यविधि खारेज गरी सहुलियत कर्जाको नयाँ व्यवस्था जारी गरेको छ ।
यस्तो छ सहुलियत कर्जाको नयाँ व्यवस्था
‘सहुलियत कर्जाका लागि ब्याज अनुदानसम्बन्धी एकीकृत कार्यविधि २०७५’ जारी गरिएको छ । सरकारले भूकम्प प्रभावित, विदेशबाट फर्केकासहित विभिन्न ७ वटा क्षेत्रमा सहुलियत कर्जा उपलब्ध गराउने उदेश्यले एकीकृत कार्यविधि जारी गरेको हो ।
ब्याजमा अनुदान दिने कर्जा नै सहुलियत कर्जा हो । कार्यविधिमा उल्लेख भएका सबै कर्जा दिन बिहीबार राष्ट्र बैंकले ‘क’ ‘ख’ र ‘ग’ वर्गका बैंक तथा बित्तीय संस्थालाई निर्देशनसमेत दिएको छ ।
नयाँ व्यवस्था अनुसार भूकम्प पीडितले पनि तीन लाख रुपैयाँसम्मको सहुलियत ऋण सुविधा लिन सक्नेछन् ।
ऋण पाउने मापदण्ड
पुरानो कार्यविधि खारेज गरी सरकारले विभिन्न मापदण्डसहित तीन लाख रुपैयाँ सहुलियत ऋण लिन सक्ने नयाँ व्यवस्था ल्याएको र यसले भूकम्प पीडितलाई पनि संबोधन गरेको राष्ट्रिय पुनर्निर्माण प्राधिकरणका प्रवक्ता पिताम्बर घिमिरेले बताउनुभयो ।
तर ऋण लिन भूकम्प पीडितले आवश्यक मापदण्ड भने पूरा गर्नुपर्नेछ । घिमिरेका अनुसार कार्यविधिमा न्यूनतम मापदण्ड उल्लेख गरिएको छ ।
-सरकारले घोषणा गरेको तीन लाख रुपैयाँ अनुदान लिन सम्झौता गरेकाे हुनुपर्ने ।
-आर्थिक अभावका कारण अहिलेसम्म घर बनाउन सुरु नै गर्न नसककाे हुनुपर्ने ।
-अर्को बस्न योग्य घर नभएकाे हुनुपर्ने ।
-र निजी आवास अनुदान बाहेक अरु संस्थागत अनुदान नलिएका पीडितले मात्रै यो ऋण सुविधा लिन सक्नेछन् ।
आवश्यक कागजपत्र र पूरा गर्नुपर्ने प्रकृया
बैंक तथा वित्तीय संस्थाले भूकम्प पीडितलाई सामूहिक वा धितो जमानीमा ऋण दिनेछन् । ऋण लिन चाहने व्यक्तिले आवश्यक कागजपत्रसहित बैंक तथा वित्तिय संस्थामा निवेदन दिनुपर्नेछ । निवेदनसहित आवश्यक कागजपत्र यसप्रकार छन् ।
-भूकम्प पीडित परिचय पत्र
-नागरिकताको प्रतिलिपि
-घर बनाउन नसक्नुको कारण खुलेको कागजपत्रको प्रतिलिपि
-र धितोसम्बन्धी आवश्यक कागजपत्र ।
निवेदनसहित कर्जा माग गरेको २१ दिनभित्र बैंक तथा वित्तीय संस्थाले कर्जा स्वीकृत हुने या नहुने निर्णय गरिसक्नु पर्नेछ । कर्जा नदिने भए कारणसहित लिखित जानकारी दिनुपर्ने व्यवस्था छ ।
ब्याजदरमा अनुदान कसरी पाइन्छ ?
बैंकर्स एशोसिएसनका कार्यकारी निर्देशक अनिल शर्माका अनुसार बैंक तथा बित्तीय संस्थाले आफ्नो त्रैमासिक विवरण सार्वजनिक गर्दा न्यूनतम ब्याजदरमा कर्जा दिनसक्ने उल्लेख गरेको हुन्छ ।
यसलाई आधारदर अर्थात् बेसरेट भनिन्छ । जस्तै २०७५ असार मसान्तमा राष्ट्रिय बाणिज्य बैंकको बेसरेट ६ दशमलव २० प्रतिशत छ । उसले भूकम्प प्रभावितलाई बढीमा २ प्रतिशत ब्याजदर जोडेर ऋण दिने हो भने ८ दशमलव २० प्रतिशत ब्याजदर हुन आउँछ ।
शर्माका अनुसार बैंक तथा बित्तीय संस्थाले बेसरेट भन्दा १ प्रतिशत पनि ब्याजदर लिन्न पनि भन्न सक्छन् । अनि ऋण लिँदा निर्धारण गरेको ब्याजदरमध्ये ५ प्रतिशत ब्याज अनुदानमा उपलब्ध हुनेछ ।
उदाहरणका लागि यदि भूकम्प पीडितले ८ प्रतिशत ब्याजदरमा ऋण पाएमा तीन प्रतिशत ब्याजदर मात्रै तिरे पुग्नेछ । ५ प्रतिशत ब्याज भूकम्प पीडितलाई अनुदान हो ।
जुन ब्याज बैंक तथा बित्तीय संस्थाले पछि राष्ट्र बैंकसँग लिने बैंकर्स एशोसिएसनका कार्यकारी निर्देशक शर्माले बताउनुभयो । भूकम्प पीडितले पाउने सहुलियत तीन लाख ऋणको ब्याज बाहेक अन्य कुनै सेवा शुल्क लिन नपाइने कार्यविधिमा उल्लेख छ ।
५ वर्षभित्रै तिर्नुपर्ने
कार्यविधि जारी भएको र राष्ट्र बैंकले पनि निर्देशन दिएकाले बैंक तथा वित्तीय संस्थाले सहुलियत ऋण प्रवाह गर्न सक्छन् । भूकम्प प्रभावितले घर बनाउन तोकिएको अवधिभित्रै ऋण सुविधा लिइसक्नुपर्नेछ ।
यसरी ऋण लिनेले ५ वर्षभित्र तिर्नुपर्नेछ । अनुगमनबाट कर्जा दुरुपयोग भएको भेटिए ब्याज सुविधा उपलब्ध हुने छैन । अनि ब्याज सुविधा लिइसकेको भएपनि असुल उपर हुने उल्लेख छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
मदन पौड्याल
उज्यालोमा कार्यरत मदन पौड्याल राजनीति, प्रशासन र समसामयिक विषयमा कलम चलाउनु हुन्छ। पौड्यालको भूकम्पपछिको पुनर्निर्माणमा दख्खल छ। 
2 Comments
समाचार
-
-
काठमाण्डाैमा आज ३ वटा शव भेटिए
मंसिर ८, २०८१ शनिबार
-
श्रीलङ्काका सांसदले विलासी गाडी किन्न नपाउने
मंसिर ८, २०८१ शनिबार
-
टिकटक र चाइल्ड सेफनेटले बालबालिका र युवाको डिजिटल सुरक्षाका...
मंसिर ८, २०८१ शनिबार
-
प्रधानमन्त्री ओलीको काम नै ‘सरकार ढल्दैन’ भनेर भाषण गर्ने : विप्लव
मंसिर ८, २०८१ शनिबार
-
चिनियाँ दूतावासद्वारा ‘छत्रपाटी निःशुल्क चिकित्सालय’ लाई विद्य...
मंसिर ८, २०८१ शनिबार
-
घरेलु टाेली अस्ट्रेलियामाथि भारतकाे २ सय १८ रनकाे अग्रता
मंसिर ८, २०८१ शनिबार
-
नेत्रहीन क्रिकेट टी–२० विश्वकपमा नेपाल श्रीलङ्कासँग ७० रनले पर...
मंसिर ८, २०८१ शनिबार
-
चिलिमेका ३ वटा जलविद्युत् आयोजनाको निर्माण सम्पन्न, १६८ मेगावा...
मंसिर ८, २०८१ शनिबार
-
जुम्लाका ८ वटै पालिका साक्षर घोषणा
मंसिर ८, २०८१ शनिबार
-
गैँडाकाे आक्रमणबाट नवलपुरमा एक जनाकाे ज्यान गयाे
मंसिर ८, २०८१ शनिबार
-
मुन्दुम ट्रेल भ्रमण वर्ष २०२५ को तयारी शुरू, एक लाख पर्यटक भित्...
मंसिर ८, २०८१ शनिबार
-
प्रधानमन्त्री ओलीका बुबा अस्पताल भर्ना, अवस्था सामान्य
मंसिर ८, २०८१ शनिबार
-
च्याम्पियन्स ट्रफी 'हाइब्रिड' माेडलमा आयाेजना हाेला ? आईसीसीले...
मंसिर ८, २०८१ शनिबार
विचार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
-
डेङ्गी सङ्क्रमणको उच्च जोखिम कात्तिक मसान्तसम्म
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
मंगला लामा
Sept. 29, 2018, 11:12 p.m.घर बनाई सकेकहरुले यो ऋण पाउछ की पाउदैन ?
मंगला कुमारी लामा
Sept. 29, 2018, 11:06 p.m.घर बनासकेकहरुले यो अनुदान पाउँछन् की पाउँदैनन ?