समझदारी अनुसार बेलायत रोजगारी निःशुल्क हो, झुटो प्रलोभनमा नपरौँ : श्रम मन्त्रालय

असोज १३, २०७९ बिहीबार १६:४५:२५ | उज्यालो सहकर्मी

काठमाण्डौ – प्रक्रिया सुरु भएपछि बेलायत रोजगारीमा निःशुल्क पठाइने भन्दै श्रम मन्त्रालयले कसैले पनि सरकारी अधिकारीसँग सम्पर्क गराइदिन्छु भन्दै प्रलोभनमा पारेमा त्यसबाट बच्न अनुरोध गरेको छ ।

नेपाल र बेलायतबीच श्रम समझदारी भएपछि नेपाली नर्सहरूलाई बेलायतमा रोजगारी प्रदान गर्ने भन्दै विभिन्न व्यक्ति तथा संस्थाहरूले नेपाल सरकारका सम्बन्धित अधिकारीहरूसँग समन्वय गरिदिन्छु भन्दै झुटो आश्वासन देखाएर ठगी रहेको भन्दै मन्त्रालयले त्यसतर्फ सचेत गराएको हो ।

नेपाल सरकार र बेलायत सरकारबीच बेलायतको स्वास्थ्य क्षेत्रमा नेपाली स्वास्थ्यकर्मीहरूलाई रोजगारी प्रदान गर्ने गरी श्रम समझदारीपत्रमा हस्ताक्षर भएको छ । समझदारी अनुसार श्रम मन्त्रालय र बेलायत सरकारका सम्बद्ध अधिकारीसँग श्रम समझदारी कार्यान्वयनको ढाँचालाई अन्तिम रूप दिने काम भइरहेको मन्त्रालयले जनाएको छ ।

दुई देशका सरकारका प्रतिनिधिले तयार गरेको कार्यान्वयनको ढाँचा नेपाल सरकारले स्वीकृत गरेपछि मात्रै नेपालबाट स्वास्थ्यकर्मीहरू बेलायत रोजगारीमा जाने प्रक्रिया सुरु हुन्छ ।

सरकार सरकारबीचको प्रक्रिया अनुसार जाँदा कुनै पनि शुल्क लाग्दैन भने छनौट प्रक्रिया पनि पारदर्शी बनाउन बेलायतको स्वास्थ्य तथा सामाजिक सेवा मन्त्रालय र नेपालबाट वैदेशिक रोजगार विभागबाट संयुक्त रूपमा कार्यान्वयन हुने छ ।

बेलायत रोजगारीमा पठाउनका लागि विभागमा व्यवस्थित छुट्टै कार्यान्वयन इकाई समेत स्थापना भइसकेको मन्त्रालयले जनाएको छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्