हनुमानढोकाको तलेजु भवानीको मन्दिरमा आज बिहानैदेखि भक्तजनको भीड

असोज १८, २०७९ मंगलबार ११:३३:२५ | रासस

काठमाण्डौ – महानवमीका दिन मात्र खुला गरिने काठमाण्डौ हनुमानढोका दरबार क्षेत्रको तलेजु भवानीको मन्दिरमा आज बिहानैदेखि भक्तजनको भीड लागेको छ ।

हरेक वर्ष आश्विन शुक्ल नवमीका दिन सर्वसाधारणका लागि मन्दिर खुला गरिने परम्परा अनुसार आज मन्दिर खुला गरिएको हो । तलेजु मन्दिरमा ३ सय ६४ दिनमा दैनिक नित्य पूजा हुन्छ र एक दिन सर्वसाधारणको पूजाका लागि खोलिन्छ ।

तलेजु भवानीलाई भने फूलपातीकै दिन हनुमानढोका दरबारको मूल चोकमा ल्याइएको थियो । तलेजु भवानीलाई विजयादशमीका दिन बिहानमात्र मूल मन्दिरमा फर्काइने प्रचलन छ ।

तलेजु भवानीलाई नेपाल पञ्चाङ्ग निर्णायक समितिले दिएको साइत अनुसार आइतवार बिहान १० बजेर ५ मिनेटमा हनुमानढोका दरबार क्षेत्रको मूलचोकमा यात्रा गराइएको थियो ।

तलेजु भगवतीलाई त्यसै दिन बिहान ११ बजेर ३५ मिनेटको साइतमा स्थिरासनमा राखिएको थियो । हिजो महाअष्टमीको राति कालरात्रि पूजा गरिएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हनुमानढोकाको तलेजु भवानीको मन्दिरमा आज बिहानैदेखि भक्तजनको भीड

फाइल फाेटाे

तपाईको प्रतिक्रिया