कास्की – नवौँ राष्ट्रिय खेलकुद प्रतियोगिताअन्तर्गत ह्यान्डबलतर्फको प्रतिस्पर्धामा गण्डकी प्रदेशका महिला तथा पुरुष दुवै टोली अन्तिम चारमा प्रवेश गरेका छन् । 

आज बिहीवार नेपाली सेनाको त्रिभुवन आर्मी क्लब र गण्डकीबीचको खेल बराबरीमा सकिए पनि गोल अन्तरका अधारमा गण्डकी र आर्मी अन्तिम चारमा प्रवेश गरेका हुन् । पोखरा रङ्गशाला बहुउद्देश्यीय कभर्ड हलमा भएको खेलमा आर्मी र गण्डकीले २७–२७ गोलको बराबरी खेल्दै अङ्क बाँडेका थिए । गोल अन्तरका आधारमा गण्डकी प्रदेश समूहको विजेता बन्दै सेमिफाइनल प्रवेश गर्दा आर्मी उपविजेता बन्दै सेमिफाइनल प्रवेश गरेको हो । 

महिलातर्फको प्रतिस्पर्धामा गण्डकी र प्रदेश १ सेमिफाइनल प्रवेश गरेका छन् । गण्डकीले लुम्बिनीलाई ३५–९ र प्रदेश १ ले मधेस प्रदेशलाई १९–४ ले हराउँदै सेमिफाइनल प्रवेश गरेका हुन् ।