एपीएफले जित्याे पुरुष फुटबलकाे स्वर्ण

कात्तिक ३, २०७९ बिहीबार १८:११:१९ | सागर राज तिमिल्सिना

कास्की – डिफेन्डिङ च्याम्पियन त्रिभुवन आर्मी क्लबलाई सडेन डेथमा स्तब्ध बनाउँदै सशस्त्र प्रहरीकाे एपीएफ क्लबले नवौँ राष्ट्रिय खेलकुद प्रतियोगिताअन्तर्गत पुरुष फुटबलमा स्वर्ण पदक जितेको छ । आज बिहीवार पोखरा रङ्गशालामा भएको फाइनल खेलमा एपीएफले आर्मीलाई पेनाल्टी सुटआउटमा ६–५ अन्तरले पराजित गरेको हो ।

यसअघि निर्धारित ९० मिनेट र थपिएकाे ३० मिनेटको खेलमा दुवै टोलीले गोलरहित बराबरी खेलेका थिए । दुवै टोलीमा एक–एक खेलाडीले रातो कार्ड पाउँदै मैदान बाहिरिएका थिए । त्यसपछि १० खेलाडीमा सीमित भएका दुवै टोलीबाट प्रतिस्पर्धात्मक खेल भएको थियो । खेल अवधिभर एपीएफले आर्मीमाथि दबाब दिएर खेल्दै सुनौला अवसर बनाए पनि सदुपयोग गर्न चुकेको थियो ।

यस्तै आर्मीले पनि केही राम्रा अवसर खेर फाल्न पुगेको थियो । यस पराजयसँगै आर्मीले पुरुष फुटबलमा रजत पदकमा चित्त बुझाएको छ ।

यस्तै कास्य पदकका लागि भएको खेलमा सुदूरपश्चिम प्रदेशलाई १–० गोल अन्तरले हराउँदै गण्डकी तेस्रो भयो । गण्डकीको जितमा कमल थापाले फ्रिकिकमार्फत गरेको गोल निर्णायक भएको थियो ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सागर राज तिमिल्सिना

कास्कीमा रहेर पत्रकारिता गर्ने सागर उज्यालाेका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्