सर्लाही–२ को 'क' मा कांग्रेसका जंगीलाल विजयी

 मंसिर ८, २०७९ शुक्रबार २:२०:५७ | रासस
unn.prixa.net

सर्लाही – सर्लाहीको क्षेत्र नं २ प्रदेशसभा क मा नेपाली कांग्रेसका जङ्गीलाल राय प्रदेशसभा सदस्यमा विजयी हुनुभएको छ । उहाँले नेकपा माओवादी केन्द्रका उम्मेदवार सुनिल साहलाई पराजित गर्नुभएको हो । 

मुख्य निर्वाचन अधिकृतको कार्यालयका अनुसार रायले आठ हजार दुई सय ९० मत प्राप्त गर्नुभयो । उहाँका निकटतम प्रतिद्वन्द्वी माओवादी केन्द्रका साहले सात हजार दुई सय १४ मत पाउनुभयो । रायले एक हजार ७६ मतान्तरले साहलाई पराजित गर्नुभएको हो । 

यस्तै जनमत पार्टीका उम्मेदवार भरत चौधरीले छ हजार छ सय ४३ मत ल्याउनुभयो । निर्वाचन क्षेत्र नं २ को प्रदेशसभा ख तथा क्षेत्र नं २ र ३ को प्रतिनिधिसभा सदस्यतर्फको मतपरिणाम सार्वजनिक हुन बाँकी छ ।

अन्तिम अपडेट: मंसिर ९, २०७९

तपाईको प्रतिक्रिया