देउवाबाट अपमानित भएर पोखरा आएको हुँ : गगन थापा

पुष ११, २०७९ सोमबार १३:४४:४४ | उज्यालो सहकर्मी

काठमाण्डाै – नेपाली कांग्रेसका महामन्त्री गगन थापाले आफू पार्टी सभापतिबाट अपमानित भएको गुनासो गर्नुभएको छ । पोखरामा भइरहेको नेपाल लिटरेचर फेस्टिभलमा बोल्दै गगन थापाले नयाँ सरकार गठनको विषयमा देउवाले आफूसँग छलफल नै गर्न नचाहेको भन्दै गुनासो गर्नुभएको हो ।

हिजो आइतवार आफूलाई कति बेला फोन आउँछ भनेर कुरिरहेकाे तर फोन नआएपछि आफू पोखरा आइपुगेको महामन्त्री थापाले बताउनुभयो । उहाँले आफूलाई फाेन आउँछ भनेर पाेखरा जाने जहाजकाे टिकट तीन पटकसम्म सारेकाे पनि बताउनुभयाे ।

उहाँले भन्नुभयो, ‘व्यक्तिगतरूपमा म नढाँटिकन भन्छु, हिजो १० बजे म यहाँ आउने योजना थियो, मैले बिहान ६ बजेदेखि फोन खोलेर पार्टी सभापतिको कल कति बेला आउँछ भनेर कुरेर बसेँ । म अहिले सांसद पनि हो, पार्टीको विधानको हिसाबले पार्टीका महामन्त्री संसदीय दलका पदेन सदस्य हुन्छन्, अहिले दलको नेता शेरबहादुर देउवा हुनुहुन्छ, दुई जना महामन्त्री संसदीय दलको पदेन सदस्य हौँ । मेरो सभापतिले पहिले पार्टीभित्र छलफल गर्ने र त्यसपछि गठबन्धनको बैठकमा अन्तिम निर्णय गर्छु भन्नुभएको कुरा मैले समाचारमा सुनेँ । त्यो पार्टीभित्र त म पनि पर्छु, अनिवार्य पर्छु, पक्कै फोन आउला भन्ने लाग्यो । मलाई हिजो यहाँको सत्र छुट्छ कि भन्ने लागेको थियो तर देश यस्तो मोडमा छ, कम्तीमा पार्टीमा छलफल गरेरमात्रै जानुपर्छ भनेर पोखरा आउने जहाजको टिकट १० बजेबाट १२ बजे, १२ बजेबाट २ बजेका लागि सारेँ । पार्टी कार्यालयमा भएको छलफल होइन, उहाँको निवासमा भएको छलफल हो, घर हो । घरमा नबोलाइनकन जाने कुरा भएन, फोन गरेर बसेको बस्यै गरेँ । एक प्रकारले भन्ने हो भने म यहाँ अपमानित भएको आएको हो । मैले जे महसुस गरेँ त्यो कुरा मैले शेयर गरेको हुँ ।’

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

देउवाबाट अपमानित भएर पोखरा आएको हुँ : गगन थापा

फाइल फाेटाे

तपाईको प्रतिक्रिया