काठमाण्डाै – प्रतिनिधि सभा नियमावली मस्यौदा समितिको म्याद सात दिन थप गरिएको छ ।

समितिका ज्येष्ठ सदस्य चित्रबहादुर केसीले शुक्रवार दोस्रो पटक बसेको बैठकमा समितिको म्याद थप गर्नका लागि पेस गर्नुभएको प्रस्ताव सर्वसम्मतिले पारित भएको हो । बैठकमा ज्येष्ठ सदस्य केसीले प्रतिनिधि सभा नियमावलीको प्रारम्भिक मस्यौदा तयार भएको तर त्यसलाई पूरा गर्न सात दिन समय लाग्ने निर्णय समितिबाट भएकाले त्यही प्रस्ताव आफूले प्रतिनिधि सभा बैठकमा पेस गरेको बताउनुभयाे । 

गएकाे माघ १० गते २१ सदस्यीय प्रतिनिधि सभा नियमावली मस्याैदा समिति गठन गरिएको थियो । समितिलाई काम सुरु भएको मितिले १५ दिनभित्र मस्यौदा प्रतिनिधि सभामा पेस गर्ने कार्यादेश दिइएको थियो । गएकाे माघ १३ गतेदेखि काम सुरु गरेको समितिकाे म्याद आजै सकिँदै थियो ।