स्ववियु नेतृत्वका लागि मतदान चल्दै : क्याम्पसहरुमा सुरक्षा व्यवस्था कडा (तस्बिरसहित)

चैत ५, २०७९ आइतबार १०:५६:५१ | उज्यालो सहकर्मी

काठमाण्डाै - त्रिभुवन विश्वविद्यालयसहित आङ्गिक र सम्बन्धनप्राप्त क्याम्पसहरूमा स्वतन्त्र विद्यार्थी युनियन (स्ववियु) को नेतृत्वका लागि मतदान चलिरहेको छ । बिहान ८ बजेदेखि नै काठमाण्डौ उपत्यकासहित देशका विभिन्न क्याम्पसमा मतदान सुरु भएको हो ।

रत्नराज्य क्याम्पस (आरआर क्याम्पस)सहितका केही क्याम्पसमा भने आन्तरिक विवादका कारण मतदान हुन सकेको छैन । त्रिभुवन विश्वविद्यालय कीर्तिपुर, थापाथली क्याम्पस, शंकरदेव क्याम्पस, ल क्याम्पस, विश्वभाषा क्याम्पस, वाल्मीकि क्याम्पसमा मतदान भैरहेको छ । मतदान दिउँसो ४ बजेसम्म रहनेछ ।

स्ववियु चुनाव भइरहेका क्याम्पसमा सुरक्षा व्यवस्था कडा पारिएको छ । चुनावमा विभिन्न विद्यार्थी सङ्गठनबीच प्रतिस्पर्धा हुँदैछ ।

कपिलवस्तुको शिवराजमा रहेको समयथान बहुमुखी क्यापसमा भइरहेको स्ववियु चुनावमा मतदान गर्दै विद्यार्थी ।

शहीद बहुमुखी क्याम्पस रामपुर पाल्पामा भएको स्वतन्त्र विद्यार्थी युनियनको चुनावमा मतदान गर्न लामबद्ध मतदाता ।

नुवाकोट आदर्श बहुमुखी क्याम्पस बट्टारमा स्वतन्त्र विद्यार्थी युनियन (स्ववियु)चुनावमा मतदान गर्दै विद्यार्थी । यहाँ चार प्यानलबीच प्रतिस्पर्धा रहेको छ भने मतदाता विद्यार्थीको सङ्ख्या एक हजार एक सय ४३ जना रहेकाे छ।

काठमाण्डौको क्षेत्रपाटी धोबीचौरमा रहेकाे पब्लिक युथ क्याम्पसमा स्वतन्त्र विधार्थी युनियनकाे चुनावमा मतदान गर्नका लागि लामबद्ध विधार्थी ।

जनकपुरधामको राम स्वरुप रामसागर बहुमुखी क्याम्पसमा स्वतन्त्र विधार्थी युनियन (स्ववियु) को चुनावका लागि क्याम्पस परिसरबाहिर विद्यार्थीको घुइँचो ।

जुम्ला बहुमुखी क्याम्पस जुम्लामा स्वतन्त्र विद्यार्थी युनियन ( स्ववियु) को चुनावका लागि क्याम्पसमा चहलपहल । पहिला सुनसान हुने क्याम्पसमा अहिले स्ववियु चुनावले विद्यार्थी नेतादेखि विद्यार्थीमा चासो बढेको छ । आठवटा विद्यार्थी सङ्गठनले चुनावमा भाग लिएको जुम्ला बहुमुखी क्याम्पसले जनाएको छ ।

सबै तस्बिर : रासस

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

स्ववियु नेतृत्वका लागि मतदान चल्दै : क्याम्पसहरुमा सुरक्षा व्यवस्था कडा (तस्बिरसहित)

पूर्वी नवलपरासीको कावासोतीमा रहेको कुमारवर्ती बहुमुखी क्याम्पसको चुनावमा मतदान गर्दै विद्यार्थी ।

तपाईको प्रतिक्रिया