भुटानसँग बराबरी खेल्दै नेपाल फाइनलमा

 चैत १४, २०७९ मंगलबार १९:५६:५३ | उज्यालो सहकर्मी
unn.prixa.net

काठमाण्डाै – नेपाल प्रधानमन्त्री थ्री नेसन्स कप फुटबल प्रतियोगिताकाे फाइनलमा पुगेकाे छ । दशरथ रङ्गशालामा भएकाे लिग चरणकाे खेलमा भुटानसँग १–१ गाेलकाे बराबरी खेल्दै नेपाल फाइनलमा पुगेकाे हाे । 

पहिलाे हाफमा १–० गाेलले पछि रहेकाे अवस्थामा नेपालले उत्कृष्ट पुनरागमन गर्दै खेल १–१ काे बराबरीमा ल्याएकाे हाे । नेपालका लागि दीपकराजसिंह ठकुरीले खेलकाे अन्तिम समयमा गाेल गर्दै नेपाललाई हारबाट जाेगाए । भुटानका लागि खेलकाे १९ औँ मिनेटमा तेन्जिन नाेर्बुले गाेल गरे ।

याेसँगै नेपालले भुटानसँगकाे खेलमा आफ्नाे अपराजित यात्रालाई कायमै राखेकाे छ । नेपालको फुटबल इतिहासमा भुटानसँग यो पहिलो बराबरी हो । यसअघि भएका सबै १२ खेल नेपालले जितेको थियो ।

अब नेपालले फाइनलमा आउँदाे शुक्रवार लाओससँग खेल्नेछ । नेपाल ४ अङ्कसहित तालिकाकाे शीर्ष स्थानमा र लाओस ३ अङ्कसहित दोस्रो भयो । १ अङ्क जाेडेकाे भुटान समूह चरणबाट बाहिरियो ।

प्रतियोगिताको विजेताले ५ हजार अमेरिकी डलर र उपविजेताले ३ हजार अमेरिकी डलर पुरस्कार पाउनेछन् ।

अन्तिम अपडेट: बैशाख २, २०८०

तपाईको प्रतिक्रिया