काठमाण्डाै – सभामुख देवराज घिमिरेले सांसद टोपबहादुर रायमाझी पक्राउ परेकाे विषयकाे पत्र बढेर संसदलाई जानकारी गराउनुभएको छ । जिल्ला प्रहरी परिसर काठमाण्डौले आज साेमवार सभामुख देवराज घिमिरेलाई पत्र पठाएर नक्कली भुटानी शरणार्थी प्रकरणमा संलग्न रहेको खुल्न आएकाले रायमाझीलाई हिजो आइतवार पक्राउ गरेर हिरासतमा राखिएको जानकारी गराएको थियो ।

प्रहरीले पठाएको पत्र सभामुखले आजको प्रतिनिधि सभाको बैठकमा वाचन गरेर सुनाउनुभएको हो । तर सभामुखले पक्राउ परेको पत्र सुनाउँदैमा रायमाझीको पद निलम्बनमा पर्ने छैन । अदालतले पुर्पक्षका लागि थुनामा पठाएमा मात्रै उहाँको पद निलम्बनमा पर्नेछ ।

नेकपा एमालेका सचिवसमेत रहेका रायमाझी अर्घाखाँचीबाट निर्वाचित सांसद हुन् । पक्राउ पुर्जी जारी भएको ११ औँ दिनमा रायमाझी हिजो पक्राउ परेका हुन् ।

*यसअघि समाचारमा निलम्बन भएकाेमा सच्याइएकाे छ– सम्पादक